 السبت يوليو 13, 2013 1:33 am | المشاركة رقم: |
| المعلومات | | الكاتب: | | اللقب: | $المشرف المميز$ | الرتبه: | | | الصورة الرمزية |
| | البيانات | | عدد المساهمات : | 605 | | السٌّمعَة : | 0 | | تاريخ التسجيل : | 14/02/2013 |
|
| الإتصالات | | الحالة: | | | وسائل الإتصال: | |
| موضوع: رواية لن تكوني لغيري بهـذا الزمان/بقلمي جديده
 رواية لن تكوني لغيري بهـذا الزمان/بقلمي جديده بسم الله الرحمن الرحيم اول شي رواتي هذي راح ينزل بداية البارت الاول منها وباقي البارت ينزل بعد الاختبارات ان شاء الله
وان شاء الله القى تفاعل في البداية ^^
[...لــن تــكونــي لـغيـري بـهـذا الزمـان...]
الكاتبة : اعيون الندم " أهوي "
البــــــــــــــارت الـأول :
سمر: عطيني الفون حقي وبعدين ليه تا خذية؟
نوف: لحظة شوي جوالي مخلص شحنة وأبي أكمل سالفتي لحنون
سمر : شدخلني طيب ابي الفون حقي الحين
نوف: اوف منك سمورة بس شوي
سمر : بتجيبة ولا لا
نوف: طيب خلاص بقول لها السالفة بعدي , اوف منك
سمر : اشوف يالله
نوف : بروح اشوف امي تو تقولي تعالي
سمر : ماشي يالله روحي وسكري الباب معاك لانِ راح انام بكرة ماراح اداوم للمدرسة
نوف : ليه فيك شي عشان تغيبين تعبانة مثلا مريضة مثلا
سمر : مالك دخل وممكن تتقلعين مثلا
نوف : طيب يالله انا بروح تبين شي
سمر : خلاص تقلعي مابي شي
نوف سكرت الباب وتنزل مع الدرج بسرعة وامها تطالعها
امها : بشويش لاتتكسرين
نوف : هههههههه متعودة على الركض في الدرجة شي ممتع
امها :طيب تعالي معي ناخذ الاغراض اللي جايبها ابوك وندخلها بالمستودع
نوف : شو جايب ابوي اغراض كثيره
امها : لابس اللي ناقص البيت جايبة والسواق هو اللي موصلهم
نوف : ان شاء الله يمة الحين بروح ارتب الاغراض وانتي استريحي لاتتعبين
امها : الله يخليك لي يابنتي اجل وين سمر
نوف : هذي السمر بتذبحني
امها : ليه
نوف : كثير تغيب في المدرسة وتقول بكره بغيب مادري ليه
امها : اهي فيها شي ؟
نوف : لا تو متهاوشة انا وياها على الفون حقها وطيبة ومافيها الا العافية
امها : غريبة البنت هذي
نوف : ماعلينا انا رايحة ارتب
في غرفة سمر: امتلت الوسادة من الدموع وشهقات سمر
سمر : شو اسوي الحين ياربي مالي غيرك حسبي الله ونعم الوكيل
اخذ ت جوالها ودقت .......
......: هلا وغلا
سمر : هلا فيك
.......: كيفك يا اجمل سمر في العالم
سمر بصوت قهر : بخير
.....: شفيك لايكون غيرتي رايك لالا مو كذا الاتفاق
سمر : لا ماغيرت ولا شي بس داقة اقولك أي يوم تبي اكون في المكان اللي تبي
.....: انتي تعرفي يوم الاحد ولا تسوي مو فاهمة
سمر : انت شو تقول ؟ صدقني ما اعرف اليوم
.....: طيب طيب حصل خير
سمر : ماشي
.....: خليكي مستعدة ولا راح تعرفي شو بيصير لك
سمر : خلاص يالله انا بسكر
.....: مع السلامة ياسمر اموااااح
سكرت الجوال سمر وهي قرفانة منه ومن نفسها كيف تورطت في هذي الورطة الكبيرة
حطت الجوال على الطاولة و نامت
الصباح : 7:00
حنان : محمد يالله تاخرت على المدرسة
محمد : طيب خلاص ترا اكلتيني
حنان : وش اسوي المدرسة راح تكتب لي غياب يالله قوم
محمد وهو يقوم ويفتح اعيونة زين , وشعرة محيوس
محمد : لا اله الا الله خلاص هذاني قمت
حنان تاخذ الجوال حقها تسلي نفسها
محمد : اصبري بفطر وبشغل السيارة ووصلك على مدرستك
حنان : ان شاء الله اخوي محمد
دخل ابو محمد عليهم
ابو محمد : صباح الخير وين لسى مارحتي ياحنان
حنان: صباح النور يبة لا اخوي محمد بطة شسوي لة
محمد : يبة امس مانمت الا متأخر شسوي حتى المدرسة ماراح اروح لها
ابو محمد : مو على كيفك يالله قدامي اشوف البس ورح المدرسة
محمد : يبة لاتصير ابو شديد على ولدة بغيب لو يوم بس
ابو محمد يناظر ولده بعين قوية : اسمع الكلاام وقم اشوف
محمد: ان شاء الله يبة هذاني بروح البس واروح للمدرسة
ابو محمد : اية خليك كذا
حنان : اية صح يبة ابي مصروف مامعي مصروف للمدرسة
ابو محمد وهو يفتح المحفظه: ان شاء الله هذا مصروفك وهذا لك يا محمد مصروفك
حنان تبوس راس ابوها : الله يخليك لي يايبه مشكور ماتقصر
محمد ياخذ المصروف ويحب راس ابوه
ركب محمد السياره اهو وحنان وراحو للمدرسة
سمر تبوس راس امها : صباح الخير يمة
ام سمر : صباح النور شفيك يابنيتي مارحتي
سمر ووجها اصفر من الهم : لا يمة مالي نفس للمدرسة مليت منها
ام سمر : هذي اخر لك سنة لازم تكوني مهتمه بنفسك
سمر : ان شاء الله يمة انتي بس ادعي
ام سمر : الله يوفقك
سمر وهي تبتسم لأمها : امين يمه بكره بروح للمكتبة ابي لي اغراض وقولي لسواق يوديني ولا ينتظرني لان راح اتاخر لما ادق عليه يجي
ام سمر : ان شاء الله بقولة اذا كان فاضي بعد
سمر : لا ان شاء الله بيكون فاضي وليه موب فاضي سواق على ايش
""""""""""""""
سلطان: متأكد ان سمر راح تجي
عبد العزيز : لا تخاف راح تجي مهدده يا حبيبي
سلطان : يا خوفي تكون تلعب
عبد العزيز : هههههههه اذا لعبت الله يعينها اللي راح يجيها اهم شي تستانس انت
سلطان : اوو حدها جميلة كيف ما استانس
عبد العزيز : هههههههههههه اذا عجبتك راح اخليها كل اشوي تجي
سلطان : أي والله الله يخلي لي صديقتها اللي عرفتنا عليها
عبد العزيز : صديقتها هذي تجيب لك ناس يعجبونك
سلطان : لحد الحين انا ماشفت شي اذا شفت راح اقولك هي تعجبني ولا لا
عبد العزيز : انت اللي مختارها
سلطان : اقصد ماشفت اللي يونسني ههههههههه
عبد العزيز : لا راح يونسك ههههههههههههههههههه
دخل ماجد تعبان : ااااخ يا شباب اليوم الشغل حده كثير
سلطان : سلامات انا قايلك لاتشتغل الشغلة هذي ماتصلح
ماجد : لا وش ما اشتغل خلني اطلع مال ويكون نضيف
عبد العزيز : ليه وش تقصد يعني انا نطلع مال وصخ
ماجد : لا حشى انتم كل فلوسكم حلال ما شاء الله
سلطان : لاتغلط بالكلام
ماجد : خلاص مابي هواش حدي متعكر مزاجي من الشغل لاتزيده
طلع ماجد لغرفتة وهو مقهور من اخوه وصديق اخوه من حياتهم
اللي مغموره في الشهوات وملذات الدنياء وظلمهم لناس
اذن العصر صلى ماجد وبعدها حط راسة ونام
سمر : هنادي انا مادري شو اسوي احس بموت من الورطة اللي انا فيها
هنادي : قلت لك ولا تعصبيني انتي اكيد انجنيتي او سحروك كيف تقبلي على حالك
سمر : والله ما قبلت بس غصب علي ابوي مابي يصير فية شي وامي كمان واختي لان لو ما اسوية راح يروحو مني
هنادي: مايقدر يسوي شي انتي روحي وبعدها بلغي عليهم
سمر : لو ابلغ اهو موصي اشخاص غيره
هنادي : يالله وبعدين كيف جيتي بالورطة هذي
سمر : بسبب بنت من المدرسة الله لايسامحها دنيا واخرة
هنادي منصدمة : اميين يالله مو قادرة استوعب اللي تقولية وبعدين مستحيل اخليك بروح معاكي رجلي برجلك
سمر : لا ياهنادي لاتحطي نفسك بمتاهات انتي غنا عنها انا بروح لحالي والله يكون معايا انتي بس ادعي لي مايسون فيني شي
هنادي : سمر هما طالبين منك شي مو سهل تكوني توسعي صدرهم وتصيري مثل الخدامة تعطيهم اللي يبونة
سمر : انا اعرف بس شو اعمل غصب علي يا هنادي اعرف هذي الشغلة مو شريفة وكلها حرام في حرام
هنادي : طيب هما لما حاكوك وصفو لك ايش راح تعملي
سمر : اية خلاص هنادي لاتحكي في الموضوع سكري على السالفة
جنى : سلطان حبيبي متى راح تجي البنت اللي قلت عنها
سلطان : اليوم بتجي مع السواق
جنى : هههههههههه راح تخفف علينا اشياء كثيرة
سلطان يبتسم : ايه وتكون تسعدنا بعد
وياخذ سلطان جنى بحضنة
ماجد وهو ينزل من الدرج : استغفرالله ( يحاول يبعد عينة عن جنى لان لبسها متعري)
ماجد : سلطان شو تتكلم انت عنة
سلطان : ولا شي بس اقول لجنى عن البنت اللي راح تجي
ماجد وهو مستغرب: أي بنت
سلطان: بنت راح تجي وتخفف علينا اشياء كثيره تقدر تقول راح تشتغل معنا في اللي احنا نسوية
ماجد: والبنت راضية وتعرف ولاجابرينها
سلطان : غصب ورا خشمها ترضاء
ماجد عرف انو السالفة فيها شي
اخذ ماجد مفاتيجه وطلع
وشاف عبدالعزيز يحاكي السواق ويقولة : شوف روح للمكتبة ............. وراح تحصل بنت واقفة عند الباب وتنتظر وانت اضغط على صوت السيارة ثلاث مرات وراح تجي
ماجد فكر انو يروح قبل السواق
ماجد : عبدالعزيز مالة داعي انا بروح بدال السواق
عبدالعزيز مستغرب: ليه انت تعرف الموضوع
ماجد : ايه اكيد شي يبية اخوي سلطان اكيد اعرفة
عبدالعزيز: طيب اخذ الوصف في غرب الرياض حي ......... شارع ........... راح تحصل مكتبة واخذ البنت اللي نبيها واكيد سمعتني مع السواق وانا اقولة
ماجد : خلاص انا رايح الحين
ماجد راح للمكتبة وشاف بنت مثل ماقال عبدالعزيز واقفه عند باب المكتبة
ماجد ضغط على صوت السيارة ثلاث مرات التفتت سمر وحصلت رجال سعودي مو سواق على قولت عبدالعزيز استغربت وماراحت
ماجد نزل شباك السيارة وقال : انتي سمر
سمر استغربة وراحت : اية انا سمر نعم وش تبي
ماجد : اركبي
سمر وهي مرتبكة ومعصبة : مين انت وبعدين مو هذي السياره الي راح توديني
ماجد : انا ماجد ومو وقت تعارف الحين اركبي بسرعة ولا تتشرطين
سمر وصلت معاها وركتب السيارة وهي ودها تموت او يصير حادث بالسيارة ولا تسوي الشي هذا
ماجد : انتي شو يبي منك سلطان
سمر : ليه انت ماتعرف يعني ؟
ماجد : لا انا رحت اخذك بدل السواق لجل اعرف
سمر : ماكنت اعرف انو فضولك قوي لدرجة هذي
ماجد: واضح انك وحده ماتستحين على وجهك وبعدين انا مادري وش اللي خلاني اركبك معاي ومو هذي وجيه يشتغل معاها سلطان
سمر ماردت علية لان حاسة بقهر كبير
وصلت سمر الفلة
دخلت الفلة وكل جسدها ارتجف وماجد خلفها وحس بالشي هذا
ماجد : انتي بخير
سمر : اية ايش راح يكون فيني يعني
ماجد : كويس يالله ادخلي سلطان ينتظرك في الصالة الثانية
ماجد متوقع ان سمر راضية على الي راح تسوية لان اسلوبها يقول كذا ونفس الوقت حاس عكس كذا _ لان سمر قوية في اخفاء شعورها
سمر راحت لصالة الثانية
دخلت سمر
سلطان: هلا وغلا اكيد انتي سمر
سمر : اية انا سمر
جنى وهي تتدلع وتعمل حركات : ايوا ياسمر وينك تحمسنا على شوفتك اشلحي عبايتك
سمر : انتي مين وبعدين مايهمك في عباتي انا راح اخليها عليّ مالة داعي اشلحها !!
سمر ماسكة عبايتها بقوه ومحتشمة ماييطلع منها الا يدينها بس
جنى : اووو والله تعرفي تردي
سمر ما ردت عليها : ايوا ياسلطان انا جيت شو راح تطلب مني
سلطان : اول حاجة اهلك لازم تخدعيهم يعني راح نخليك في مكان تشتغلي فية وتقولي لاهلك ابي اشتغل ومن الكلام هذا وشغلك هذا هوا اللي نطلبة وهو شغل بشركتي
طبعاً في مكان بالشركة ماحد يدخلة الا من اسمح له كلة مكان شرب ومجمعات شباب وبنات وانتي راح تجهزي كل شي من الشرب والشيشة وكل شي يخص المكان هذا
ولاتخافي فية مقابل
سمر من جوا تبكي دم وقهر على اللي يحكية وساكتة
سلطان: وطبعاً الشي الي لازم تعرفية انو مو كل يوم راح يكون فية حفلات من فتره لفترة وعليك البضاعة تاخذينها من الشخص اللي نقولك وتجيبها للمكان المطلوب
سمر وهي مصدومة : كيف تطلب مني كذا مستحيل اسوي مثل الحاجات هذي
سلطان : ها ها ها مو كذا ياسمر ما اتفقنا على كذا ابداً من ناحية الناس ماراح تعرف او أي جه من الشرطة او من اهلك ماراح يعرفون شي كل شي مخطط لة
بس عليكي التنفيذ
سمر اعيونها كلها دموع : حرااام عليك انا ماسويت شي لك ابداً في بنات كثير يحبو يسوي كذا انا لا
سلطان : هههههههه لا يا سمر ياقمر انتي من ضمن البنات الي دخلو براسي يالله روحي لغرفتك ارتاحي وفكري وبعدها روحي مع السواق يرجعك للمكان الي جيتي من عنده
سمر طلعت من الصالة وماجد منصدم من اللي سمعة يناديها: سمر سمر
سمر وقفت : شبغيت
ماجد : لاتعملي في نفسك كذا وتحطي حالك في ورطة كل البنات اللي عملو كذا في السجن انتبهي لاتعملي في حالك كذا
سمر استغربت من كلام ماجد ونفس الوقت خافت من الكلام: انت شو تقول وليه البنات اللي على قولتك في السجن ليه مابلغو ؟
ماجد : لان لو يبلغون راح يكون حكيهم غلط في غلط ولا عندهم ولا دليل
سمر ماهتمت من كلام ماجد : انت مايخصك انت اللي وصلتني هنا ولاتعمل لي فيها شريف
كلكم نفس الحكاية انت وعبدالعزيز وسلطان و البنت الحقيرة اللي معاكم ما اسامحكم ابداً
ماجد منصدم من كلام سمر لان ماكان يعرف انو سمر جاية بالتهديد
"
رجعت سمر للبيت
ونامت , وكل يوم يكون اصعب من الي قبل
"
في الساعه 1 الظهر
دق تلفون بيت سمر ! !
ام سمر : الو
صوت بنت : السلام عليكم !
ام سمر : وعليكم السلام ورحمة الله وبركاتة مين معاي ؟ !
البنت : انا من( شركة . . . . . . )حابة اقولك ان طالبن بنتك سمر موظفة بالشركة
ام سمر منصدمة : أي شركة تتكلمي عنها وكيف اصلا بنتي ماقدمت على شركة
البنت : اكيد انتي الوالده
ام سمر : ايه انا الوالد
البنت : شوفي ياخالة هي مقدمة عندنا لان حابة تتوظف وشفنا معاها شهاده دوره انقلش ولها خبرات في مجالات كثيرة وحصولها على شهادات من المدرسة وحبينا نشغلها معانا والوظيفة مره حلوه والراتب كويس
ام سمر : طيب في أي مجال
البنت : هذي الشركة مره كبيره ورواتبها عالية وحتى اعلى من الحكومي وانا ما بخبرك بالتفصيل بنتك حتقول كل شي حابة تستفسري عنة واذا وافقت تعطينا خبر وتدق على الشكره يالله مع السلامة
ام سمر سكرت السماعة وهي متسغربة من الشي هذا وكيف سمر ماخبرتها وساكتة عنها
توجهت ام سمر على غرفة سمر طقت باب الغرفة
سمر : تفضل
ام سمر وهي حيل منصدمة : سمر لية مخبية عني الموضوع هذا ؟؟؟
سمر مستغربة : أي موضوع يمة !!
ام سمر : مو ضوع الشركة اللي مقدمة عليها
سمر وهي تعدل جلستها : اية يمة ماحبيت اقولك شي الا لما اشوف هما قبلوني وكنت ابيها موفاجئة بس شفت الشركة ماتصلت قلت شكلهم ماقبلو فيني وسكت
ام سمر : لا يبنتي المفروض تخبرينا عن موضوع نفس هذا ماتسكتي لو ابوك رفض شو بتسوين
سمر : عادي اقول لشركة اللي مقدمة فيها انو خلاص مابي اتوظف
ام سمر : طيب شو هالوظيفة هذي
سمر : على مكتب ومشرفة على قسم بس لحد الحين ماحددو القسم هذا
ام سمر مستغربة : وشلون مشرفة قسم مافي احد يحصلها على طول ؟ ! !
سمر وهي تضحك: هههههه يمة لان شافوني متوفقة واهم شي معاي اللغة المطلوبة بكثره وهي الانقلش والمشرفة لازم تتحدث بهذي اللغة لان الشركة هذي كل الموظفين المره مهمين وتتعاملين معاهم اجانب وان شاء الله ربي يوفقني بالموظيفة هذي
ام سمر : ان شاء الله طيب الشركة هذي وين فية
سمر : بجنب وزارة العمل بالشمال
ام سمر : طيب يبنتي الله يوفقك ولو ان مكانها بعيد عن البيت بس الله يسهل ماقلتيلي كم رابتها ؟ !
سمر وهي فيها غصة من قهرها : راتبها يمة 20الف ويجي معاها زياده كل شهر تقريبا 100
ام سمر : حلو والله يبني وزين ماسويتي طيب ودراستك شو بتسوين فيها
سمر : بوقف دراسة عن الثانوية بسحب ملفي بجلس وتكفيني الوضيفه هذي
ام سمر : تسحبي ملفك !! ماقدر اقول لك شي ما غير الله يوفقك وان شاء الله ترفعين راس اهلك ولا تخيبين ضننا فيك
سمر وهي خانقتها العبرة على كلام امها تقول في نفسها : يمة بس لو تعرفي اني مو بنت نضيفة كان ماقلتي الحكي يمة انا اسفة على اللي اسوية بس عشانكم اسوي كل شي هو غلط بس مجبوره ماحبيت اللي اسوية ولا راح احبة ابد والله يسامحني يارب
طلعت ام سمر من الغرفة
وسمر في همها ماتشكي غير ربها مو قادرة تتحمل اللي جالسة تسويه
. . .
"(الشركة هذي شكرت سلطان , وسلطان ثاني و اكبر شخص غني بالرياض واصغر واحد لان دايم مشاريعه كبيره ويحقق في كل مشروع 900 مليون وتزيد وكل اموالة ربا وحرام طبعن ما راح ادخل في التفاضيل بقوه راح تعرفو التفاصيل من قرائتكم لرواية ) "
نجوى تدخل البيت
نجوى وهي تحاكي السواق : خلاص نزل الشنطة يعطيك العافية تقدر تروح الحين
وهي تنادي الخدامة : نورما نورما
نورما : ايوا يانسة نجوى
نجوى : خذي الشنطة وطلعيها فوق بالغرفة وخذي الملابس ورتبيها بالخزانة وبعدها جهزي لي الجاكوزي بدي اخذ شاور بعد السفره هذي
نورما : حاظر يا انسة
نجوى بعدت العباية والطرحة وعلقتها بدرج العباية اللي بالصالة , جلست على الكنباية صوت الفون حقها يدق
طلعت الفون من الشنطة وشافت المتصل سحر
نجوى : هلا والله وغلا
سحر : هلا فيك شخبارك نجوى
نجوى : والله تمام تو واصلة من السفر والحمدالله بخير
سحر : الحمدالله على السلامة
نجوى : ربي يسلمك انتي كيفك ؟
سحر : كويسة ! , هاه كيف السفره معاكي ؟
نجوى : حلوه بس فيها شوي من التعب
سحر : الله يعين ايوا ومتى حتداومي لك فقده بالشركة
نجوى : بكره ان شاء الله اليوم انا تعبانة مافيني قوه اجي لشركة
سحر : من حقك حبيبتي وماتشوفي شر
نجوى : الله يسلمك
سحر : ما حطول عليكي وكويس اللي تطمنت عليك انو وصلتي ولا لسى يالله مع السلامة
نجوى : تسلمي ماقصرتي مع الف سلامة
سكرت نجوى وجلست
ماجد وهو ينزل من الدرج
ماجد وهو يضم اختة : حيا الله نجوى والله وحشتيني يالغالية كيفك ؟
نجوى وهي تضحك : ههههههه تمام يالعيار صدق واحشتك فديتك ياخوي انت وش اخبارك
ماجد وهو يبعد عن حضنها : انا عيار ههههههههه هذا انتي ماتغيرتي ! انا والله ماشي
نجوى : الحمدالله اية ماتغير انا مثل انا
ماجد وهو يقرص خدوها : حلات اللي ماتتغير كيف لندن وان شاء الله سويتي كل شغلك
نجوى : والله لندن على خبرك ماتتغير جو وروقان شغلي الحمدالله خلصتة رئيس الشركة اللي متفق معاه وقعنا العقد وكل واحد استفاد من الثاني واحسة ناجح
ماجد : الله يوفقك يارب ومشروعك من الحين ناجح لان تفكيرك عبقراني اكيد انجذب لك رئيس الشركة
نجوى : هههههه افى عليك مفهى وكل اشوي واااااو وااااو والله اني ماسكة ضحكتي اسوي حالي كلة ثقل وامسك نفسي
ماجد وهو مات ضحك : يا انتي تعرفي تمثلي وهذي الصفة هي الي تخليكي ناجة ايوا وكيف تجهيزك للمصنع خلصتي منة ؟
نجوى : اية المبنى جاهز وطبعاً شريت من لندن الـآلـآت وبكره حتوصل لسعودية وان شاء الله السبوع الجاي راح يكون جاهز ويبدا الشغل حتى الموضفين حصلت هم وكلهم سعودين
ماجد : والله وانا اخوك هذا شي حلو وان شاء الله تكوني ناجحة في كل حياتك واخرتك
نجوى : امين يالغالي وانت بعد , الا صح ماقلت لي كيف دوامك
ماجد : ماعلية شوي تعب بس نتحمل
نجوى : ليه ماتشاركني في المشارع اللي بسويها الجاية
ماجد : غير المشاريع هذي هههههههههههههههههه ؟
نجوى وهي ترفع حاجب وتنزل حاجب : ليه تضحك ماقلت نكتة وبعدين اية غير المشاريع هذي
ماجد : هههههههههه انا والله ماحب المشاريع والحاجات هذي احب اكون شخص عادي
نجوى : فديت الشخص العادي بس بالنسبة لي مو عادي ابد
ماجد : يالبى من يتغزل فيني
نجوى استحت : خلاص عاد اقول وين سلطان ماشفتة ؟
ماجد : لاهي في خرابة الله يهدية بس
نجوى بحزن : الولد هذا مايبي يعقل ابد , وامين الله يهده ويصلحة والله كل يوم ادعي لة
ماجد : الله يسمع منك وانا حتى اخر شي سواه جاب بنت واضح انها ملتزمة ولا كمان يهددها
نجوى وهي منصدمة : كيف ومتى الكلام هذا ؟
ماجد : لاتقولي له راح يعصب لما يعصب راح يسوي أي شي قبل اسبوع والله البنت متحفضة طول الوقت ماشالت عبايته ونقابها بس ماعرف شو مهددها فية
نجوى : الله يعين البنت هذي بس وربي ضاق صدري يعني البنات اللي قبل كانو جايين برضاهم بس هي لا, يالله
ماجد : مابيدي شي اسوية غير اني اقول لا حول ولا قوة الا بالله
جت نورما : انسة نجوى جهزت كل الي طلبتياه مني ( الخدامة لبنانية )
نجوى : مشكوره نورما الحين تقدري تروحي لشغلك
نورما : العفو ولو هذا واجب انسة نجوى , ا ن شاء الله
نجوى وهي تحاكي اخوها : يالله عن اذنك ياخوي ماجد بروح اخذ لي شاور وانام
ماجد : اذنك معاك ونعيماً ان شاء الله وتتهني بالنومة هذي
نجوى وهي تبتسم : الله يهنيك خيو
[ نجوى اخت ماجد ومره متعلقة في اخوها اهي اكبر وحده فيهم عمرها 28 سنة والكل يحترمها حتى سلطان وشخصيتها قوية بس مره طيبة مع اللي يعاشرها ويجلس معاها وطبعاً امهم وابوهم متوفين, من لما كانو صغار وسبب وفاتهم حادث سيارة وانحرمو من الام والاب واكثر شخص متاثر لحد الحين نجوى لان كانت تذكرهم اما سلطان وماجد ما يذكرونهم لانهم كانو مره صغآر ]
__________________________
في الصالة الكل مجتمع الا سمر
ابو سمر : وين سمر ما اشوفها كثير
نوف : بتجي الحين
ام سمر : ناديتها ؟
نوف : لا بقولها بالبيبي تنزل
سمر هي تنزل : مايحتاج هذاني جيت السلام عليكم
باست راح ابوها وامها : كيفك يا يبة وين مانشوفك ماصرت تجي البيت كثير
ابو سمر : الا اجي بس انتي ماتنشافين طول وقتك بالغرفة
سمر تضحك : لا يا يبة انا احضر مع اهلي كل الاوقات بس انت شكلك ماتجي الا وقت نومتي
ابو سمر يضحك : الله يهديك وتعرفين تردين على ابوك
سمر : لا حشى يا يبة ينقطع لساني ولا ارادك اسفة يبه
ابو سمر : لاتتأسفين بس امزح معاك
سمر وهي تجي بحضة : الله لايحرمني منك يبة بقولك شي بس لاتردني
ابو سمر : قولي ولا اردك ان شاء الله
سمر : يبة انا قدمت على شكرة كبيره وهما قبلوني
ابو سمر مستغرب : كيف يقبلونك وانتي ماكملتي دراستك لازم شهادة جامعه
سمر :يبة هما شافو اللغة اللي معاي وتوفقي بالمدرسة ونشاطاتي اللي اسويها برا المدرسة وماخذه المركز الاول على مستوى المملكة قبلوني وهما مره حابين اتوظف عندهم
ابو سمر : الله يوفقك يابنتي وانا ماراح اوقف برزقك وان شاء الله راتبها كويس
سمر : لا مره حلو 20 الف كل شهر ولو انا معاي شهادة جامعه كان صار اعلى بكثير وكل شهر زياده
ابو سمر : حلو والله يسرلك كل امورك
سمر : امين
نوف : اقول مافية مكان بالشركة توضفيني فيها
سمر : انتي اول جدي على حيلك وتعالي قولي ابي اتوظف بعدين انتي غيري وراح تخشي الجامعه غصب وتشوفي مستقبلك
نوف :ياشيخة لية ماتقولي الحكي هذا لنفسك
سمر: اانا الحمدالله هذاني اهتميت من وانا صغيره وشوفي شو حصلت انتي لا مو مهتمة بالمدرسة كل شي مستواك مره مو حلو
نوف : صح مستواي مو حلو بس احسن من غيري وبعدين انا ما انزل من 90 االعيب في انو ما اشارك مثلك في الانشطة الكبيره
سمر وهي تضحك : وهذا المطلوب لما يكون مستواك مره عالي وتشاركي بالنشاطات اللي برا المدرسة والمسابقات اللي لها شهادات راح تكوني متميزه عن الكل ومتفوقة
ام سمر : وانا يابنتي فخوره فيك من لما كنتي صغير والتوفق هذا دوم في حياتك
نوف وهي تتخصر ( تحط يدينها على خصرها ) : وانا يمة لية نسيتيني ماشملتي نوف بنتك المؤدبة
الكل ضحك عليها
ام سمر : وانتي يابنتي كلكم ادعي لكم
سمر : الله لايحرمني منك يالغالة
ابو سمر : يالله انا طالع انام تصبحون على خير
سمر ونوف : وانت من اهلة يبة
ام سمر : وانت من اهلة
[ ام سمر وابو سمر ماعندهم ولد بس بنتين ربي مارزقهم بولد وام سمر لما جابت نوف المستشفى قالها ماراح تجيبي بعدها مو عشان انها كبيره لا لان سبحان الله جاها عقم بعد ولادة نوف وولادة نوف كانت قوية كانت ام سمر راح تموت بس ربي كتب لها حياة والحمدالله ]
سلطان وهو يرمي الورق ومعصب : انت كيف توقع على اوراق مثل هذي
خالد : يا استاذ سلطان انا هذي وضيفتي أي ورق تجي وانت مو موجدود اوقع علية
سلطان وهو يزيد في تعصيبة : وانت ماعندك عيون تشوف شو االاوراق هذي
خالد : كنت مستعجل لان كان عندي ظرف
سلطان فار دمة : لما تدخل الشركة هذي تنسى كل ظروفك فاهم وتخلي عقلك هنا بس هنا مافي شي اسمة ظروف تفهم
خالد خاف من سلطان لان مره شديد : اللي تامر علية بس انت اهدا
سلطان وهو يلف بالكرسي وحط وجه بجهت الجدار : اطلع برا وانا راح اشوف المشكلة اللي حطيتني فيها يالله برا قبل ما يصير شي تندم علية
خالد وهو ميت من الخوف : ان شاء الله
سلطان اخذ الموية وجلس يشربها وبعدها اخذ الفون حقة ودق على عبدالعزيز
سلطان : عبدالعزيز بسرعه تعال انت وينك
عبدالعزيز : انا بالسياره بروح لشركة الحين
سلطان : طيب انا انتظرك ولما توصل تعالي بالمكتب ابيك
عبدالعزيز حس بصوت سلطان انة مو بخير : خلاص الحين وصلت
سلطان سكر السماعه حتى من غير ما يقول مع السلامة
بعد عشر دقايق ! !
دخل عبدالعزيز مرعوب : وش فيك سلطان فيك شي
سلطان : الخبل الغبي خالد وقع على اوراق تودينا في ستين داهية
عبدالعزيز وهو منصدم : وش تقول انت ؟ ؟ ؟ ؟
سلطان : اللي سمعت
عبدالعزيز جلس على الكرسي وجلس يفكر وبعدها قال : عطني الورق
سلطان وهو يعطية الورق : اخذ
عبدالعزيز وهو يفتحها وبعدها بدا يشقها ورق ورق
سلطان طارت اعيونة : انت ناوي تزيد المشكلة اكبر من كذا
عبدالعزيز وهو يبتسم : لاتخاف الملف هذا ماوصل عندنا فهمت ولا شي توقع
سلطان جلس يحاول يفهم كلامة لان حده مشوش من اللي صار وبعدها فتح اعيونة : انت وربي داهية
دقيقة ادق على خالد
سلطان : خالد تعال هينا بسرعه
دخل خالد : امرني
سلطان : الملف اللي وقعت علية كانة ما وصل لك ولا وقعت شي لشخص اللي عطاك الملف فاهم انت كتبت انو وقعت على الورق هذا ؟
خالد : لا ماكتب اني موقع على شي لان لازم اذا وقت وريتك بعدها اكتب انو انا وقعت عنك ومشيت الملف بس اللي صار توقيع غير كذا ماسويت
سلطان : خلاص الحين تقدر تروح ولاتكتب شي فاهم الملف الي جاي من الشركة هذي ماوصل شي منها
خالد : ان شاء الله
سلطان وهو يتنهد : اااااه الحمدالله
عبدالعزيز : انت بس ريح ولا تشيل هم شي وخالد هذا لازم يبغالة تأديب
سلطان : لاتخاف ادبتة لك وراح اادبة زياده
عبد العزيز : هههههه اعرفك التاديب طبعك ما خبرتني سمر وش صار معاها
سلطان : ابد السكرتيره حقت الشركة قلت لها تعطي خبر لبيت سمر على اساس انها ماترد على الفون حقها
ولحد الحين ماجانا شي على موافقتها
عبدالعزيز : مرره حلو
سمر اخذت الفون ودقت على سلطان
سلطان وهو يكلم عبدالعزيز دق الفون تبعة فتحة لقى سمر ابتسم لعبدالعزيز قال: الطيب عند ذكره
سمر : هلا
سلطان : هلا والله ومرحباء
سمر بدون نفس : متى ابدا اجي لشركة ؟
سلطان : شو قدرتي تقنعي اهلك !!
سمر : اية
سلطان : بكره راح يجيك السواق خاص ويوصلك لشركة بعدها تجي لمكتبي اقولك عن الشغل
سمر : اوك " سكرت السماعة
سلطان بعد الفون من اذنة وجلس يشوف الفون : اووه سكرت السماعة بوجهي
عبدالعزيز يضحك : هذي البنت واضح انها قوية بس مصيرها راح تضعف
سلطان : مايهمني قوتها ولا ضعفها اهم حاجة تنفذ كل شي اطلبة منها
ـــــــــــــــــ
حنان : حمود عفية ابي اروح لنوف الله يخليك وصلني لعندها
محمد : اوف اوف اوف منك لية انتي مزعجة
حنان : شسوي طيب ابي اروح لنوف
محمد : ترا اقلقتيني بصاحبتك نوف خلاص لما يجي بكره المغرب اوديك لها بس ابعدي عني الحين
حنان وهي فرحانة : مانحرمش منك ياا خوويا طيب طيب الحين اروح
محمد وهو يشوف حنان تروح : مجنونة البنت مادري متى تعقل " رجع يكمل مذاكرته "
رجعت لة حنان : محمد محمد
محمد من التعصبة رما القلم عليها : وبعدين يعني وبعدييين رفعتي ضغطي ترا
حنان وهي تضحك علية تبي تزيد تعصيبتة : ههههههههههههه لا بس كنت بقولك متى راح تجي تاخذني
محمد : لا اله الا الله اذا ماضفيتي وجهك عني الحين ترا احلف ماوديك
حنان خافت : خلاص خلاص انا رايحة
محمد وهو يعدل شعره على ورا لان شعره كثير وناعم : لاحول ولا قوة الا بالله اخت بثره
الصباح الساعة 7 :30 دقيقه
سمر تعدل نفسها وتحاول تسوي وضعها طبيعي وماترتبك وتكون جريئه لان هذا اول يوم لها
تناظر نفسها بالمراية : سمر حاولي تكوني قوية لان اللي بتسوية مو سهل ابد يارب تعيني وتبعد عني الشغلة هذي لاني مابيهااا
"كان لبسها حده كيوت وكشخة ومكياجها خفيف " بعدها تعطرت عطر ريحته هادية
فتحت درجها واخذت عبايتها وطرحتها ونقابها
لبست عبايتها واخذت الطرحة ولفتها عليها واخذت شنطتها ونزلت تحت عشان تفطر
نزلت وشافت امها واختها بالصالة على الطاوله يفطرون
سمر تبوس راس امها : صباح الخير يالغالية
ام سمر : الله يرضى عليك صباح النور
نوف : وش هالكشخةة وش هالزين والله صايره مزه
سمر تضحك وتدلع: جد والله
نوف : اقول تعالي افطري عطيتك وجه
سمر وهي تضم راس اختها نوف لحضنها : صباح الخير يا احلى اخت بالعالم
نوف تضحك : وصباح النور يا اجمل اخت وفتاة بالعالم كلياتو
سمر وهي تجلس على الكرسي : الله لايحرمني منكم
ام سمر تاخذ الحليب وتصب لها بالكاس وتعطيها الخبز : يالله افطري من زمان ما افطرتي معانا والله الله بالداوم ابي تكونين مرره مجتهده في دوامك
سمر : من اعيوني الثنين يمه " بدت تفطر سمر "
دق الفون حق سمر : الو
. . . . : انسة سمر انا الحين قدام البيت استانك
سمر : ان شاء الله الحين ااطلع
سكرت سمر السماعه : يالله يمة انا الحين بروح لشركة السواق ينتظرتي برا
ام سمر : ما كملتي فطورك
سمر : لا يمة الحمدالله افطرت يالله مع السلامة
نوف وام سمر : مع الف سلامة وانتبهي لنفسسك
طلعت سمر وركبت السيارة : السلام عليكم
السواق : وعلكيم السلام
سمر : الحين تقدر تمشي
السواق : ان شاء الله
ــــــــــــــــــــــ
نجوى تدخل الكتب والابتسامة على وجهها : السلام عليكم
سحر وهي تقوم من الكرسي وتسلم على نجوى : هلا والله وغلا وعليكم السلام وينك اشتقت لك
نجوى : حياتي انتي هذاني جيت كيفك وكيف الشغل معاك ؟
سحر : اسكتي بس من لما سافرتي وانا كل الشغل علي
نجوى : اسفة بس والله كنت مظطره مره ثانية ما بخليكي
سحر : لابعد تبي تخليني مره ثانية ما اسمح لك
نجوى تضحك : ههههههههه هو اصلا يهون علي
سحر : حلاات نجوى بس
سمر تدخل عليهم وهي شوي مرتبكه: السلام عليكم
نجوى وسحر: وعليكم السلام
نجوى بأسلوب محترم: امريني ياختي بغيت شي محتاجة شي
سمر وهي تبتسم : ابد انا سمر موظفة جديده هنا واليوم دوامي وكنت ابي مكتب سلطان
نجوى : هلا سمر حياك تعالي معاي
سمر : مشكوره اختي
نجوى : انا نجوى و العفو حبيبتي ماسويت شي
سمر : تسلمي يا نجوى
نجوى تضغط على الاصنصيل : يالله تعالي
سمر : ليه هوا مكتبة فوق
نجوى : اية فوق ,ايوا خبريني شو شهادتك يعني الخبره اللي معاكي ؟
سمر : راح تنصدمين
نجوى : لا حياتي ليه انصدم مافيها شي
سمر : الثانوية واللغة الانقليزيه
نجوى : يوه كيف شركتنا سمحت بالشي ترا مو قصدي بس شركتنا ماتوضف الا اللي عنده شهادات مره عالية
سمر منصدمة لما قالت شركتنا : ليه هذي يعني شركتك او شي زي كذا
انفتح الاصنصيل وطلعو منة وهما يمشو يسولفو ومندمجين بالسوالف
نجوى : ايه شكرة العائلة حقت اخوي سلطان وانا اخته
سمر مستغربة كيف اختة مره واضح انها ادب واخلاق عكسة
سمر : لا بس لاني عندي شهادات برا المدرسة وكذا قدمت ووافقو
نجوى : يعني مشتركة في دورات وحاجة زي كذا
سمر : تقدري تقولي
نجوى : يالله ان شاء الله تتوفقي بشركتنا
سمر تبتسم : ان شاء الله
نجوى : هذا احنى قربنا من المكتب
سمر : مره بعييد
نجوى : اييه كذا مكتب المدير العام لازم يكون بعيد لاتخقي بس على اخوي
سمر تضحك : ليه اخق علية لاتخافي ماحب الحركات هذي
نجوى : ايه عفية عليكي بس كنت امزح معاكي
نجوى تدخل القسم اللي فية اخوها تحاكي السكرتير حقه: استاذ سلطان موجود
خالد : ايه انسة نجوى موجود تحبي اقولة خبر قبل ماتدخلي
نجوى : لا خليك انا بدخل علية مايحتاج
نجوى تدق الباب
سلطان : تفضل
نجوى وهي تضحك : السلام عليكم
سلطان من زمان ماشاف اختة من لما سافرت فتح يدينية عشاان يضمها : تعالي تعالي وينك اشتقت لك ي اختي الكبيرهه
سمر منبهره بالمكتب لان المكتب مره فخم وكبير وكل شي فية منسق والديكور حقة راقي بالمره . .
نجوى وهي تحضنة : وانا كمان كيفك اخبارك شو مسوي
سلطان يبعد نجوى من حضنة : تمام والحمدالله على السلامة متى وصلتي لرياض
نجوى : امسس
سلطان : ولا خبرتيني يا الدبة
نجوى : انت اللي ماجيت للفلة سالت ماجد عنك قالي كلة لاهي بشغلة ماينشاف
سلطان : ايه والله لاهي بالشركة هذي تعب الله لايوريك
سمر تكشر من تحت النقام ولو تبي اخذت التحفة اللي على الجدار ورمته علية
نجوى تبتسم : الله يعينك , سلطان هذي سمر موظفة جديده عندنا وهي مره دخلت جوات قلبي بصراحة
سلطان يناظرها ويبتسم بس مو ابتسامة عادية ابتسامة خبث : اها هذي سمر حياك ياسمر تفضلي هينا عشان احكيلك شو شغلك
نجوى : اممم اتوقع خلص مشاوري يالله انا بروح اكمل شغلي عن اذنكم
نجوى طلعت وسكرت الباب معاها
سمر تجلس وتحس برعب مو طبيعي
سلطان يشوف يدين سمر ترتجف قام من الكرسي حقة وجلس قدام الكرسي حق سمر: افا لية الخوف هذا كله
سمر : مو خايفة بسس شوي بردانة لان مكتبك بارد وانا على طول ابرد
سلطان يحط يده على خده : طيب بقصر على درجة الحراره
قام واخذ ريموت التكيف وقصر علية ورجع يجلس : ايوا شغلك هنا من الصباح لما الظهر تكوني رئيسة قسم ادارة وتخبرك بالقسم اختي نجوى تشوفي كل شي وتشرفي على كل شي واي شي ناقص في اوراق او ملفات تضبطينها وبعد الظهر يعني وقت العصر تجي هنا يمكن يكون فيه بضاعه او حاجة زي كذا ابيك تودينها للمكان لان اللي نتعامل معاهم بنات
وكذا طلبناك وراح تجي ايام تروحي لمكان بالشركة هذا مثل اللي خبرتك قبل مكان كلة خراب وبلاوي انا مابي ارعبك بس ابي اقولك تجي للمكان هذا تعطي احد انا اوصفه لك زي الكرتون تسلمي لشخص هذا وبعدها تطلعي وتروحي لبيتكم والشي هذا مو دايم يعني في الشهر مره او في الشهرين مره وشغلك في ايام يكون لما الليل وفي ايام ثانية لما الظهر يعني مو ثابت في الاوقات
سمر وهي تبكي : انت ماتخاف من ربي انت تعرف الشي هذا حرام
سلطان يعدل جلستة ويحط رجل على رجل ويعلب في اصابعة: اذا حابة تتفلسفي علي اطلعي برا وروحي لمكتبك
سمر وهي تقوم : انت اصلا شيطان والشيطان عمره ماراح يتوب وبيضل عاصي ربة طول عمره
سلطان يضحك : طيب اخلصي ولا تضيعي الوقت عليك
سمر تاخذ شنطتها وتطلع
وهي تدخل لمكتب نجوى : السلام عليكم اختي نجوى سلطان قالي انو اختي نجوى راح تخبرك على شغلي وهوا رئيسة قسم ادارة
نجوى منصدمة كيف وحده معاها شهاده ثانوي ويحطها رئيسة قسم : اها تفضلي معاي للقسم
وهي تدخلها لمكتبها : هذا القسم وهذا شغلك والقسم اللي تشرفي علية قدامك هينا تعالي معاي اوريك الموظفات اللي تشرفي عليهم
نجوى وسمر يدخلون القسم
الموظفات يقومون : مرحبا استاذا نجوى
نجوى : مرحبتين اول حاجه حابة اعرفكم على ريسة القسم تبعكم هذي سمر
رسيل موضفة بالقسم: حياك استاذه سمر في قسمك هذا
سمر : الله يحيك اختي
نجوى : طبعاً يا سمر المكان ماحد يقدر يدخلة أي رجال يعني اشلحي عباتك اذا مضايقتك
سمر : ان شاء الله
سمر وهي تحاكي الموظفات : اذا عادي يعني تعرفوني على اساميكم
رسيل: انا اسمي رسيل مهمتي اسجل الابيانات المهمه على الكمبيوتر
نوره : وانا اسمي نوره ووضيفتي هينا اشوف الاسهم حقت الشركة وقت ارتفاعها ووقت انخفاضها
بيان : وانا اسمي بيان ارتب الملفات حقات القسم هذا واسلمها لك وانتي تشوفيها
سمر : والله احس شغلتكم لازم يبغالها تركيز
رسيل : وانتي الصادقه بقوه
بيان : والله يا استاذا سمر الشغل هينا نظامي ولان الموضفات النساء مره قليل وكذا يكون تدقيق وتركيز بقوه
سمر : الله يقويكم ان شاء الله
سمر طلعت من القسم اللي تشرف علية ودخلت مكتبها
شلحت عبايتها وجلست على الكرسي وهي مرهقة بالحيل من قلة النوم والاكل والهم
اخذت تفتح الورق وتشوف اللي جواته وتشوف كيف الشغل
جلست ساعة وهي تقرا الملفات اللي قدامها
نوره تدق باب المكتب سمر : حياك
نوره تبتسم ونفس الوقت كيف انها معجبة بجمال سمر واناقتها : شو ماتبي تفطري معانا ولا تحبي تفطري لحالك بالمكتب
سمر : لا وش فطوري لحالي اكيد معاكم
نوره :احنى نستانكي
سمر : لا الحين بطلع معاكي
دخلت سمر و نوره
نوره : تراااااااااا وهذي استاذا سمر شووفو مشرفت قسمانا تقطر من الخقة ههههههههه
بيان ورسيل : هلا والله شو هالطلـة الحلووههه
سمر تسوي حالها متكبره : كذا تحاكون الرئسه مافي احترام
رسيل وبيان : اسفين يا استاذا ماكنا نقصد
سمر تضحك : والله ومصدقين ترا انا مثلكم يعني مابي رسميات ولا كلمة استاذا هذي
رسيل ونوره وبيان : جد والله يعني نعطيك اياها على البلاطة
سمر : أيه عادي احب كذا
نوره : والله انك خققة تعالي افطري معانا
سمر : يعطيكم العافية والله
بيان : سمر بقولك شي احس شكلك وكذا كانك وحده ام 18 سنة
سمر تضحك : ههههههههه ايوا هذا عمري
الكل منصدم : اوماااااااااا
سمر تضحك : ههههههههههه لييه
رسيل : وربي اسلوبك كانك وحده في العشرين بس يمكن الشكل
سمر : هههههههه مو لهدرجة
نوره : وكيف يعني اقبلتك الشركة هذي
سمر : كثيرين سألوني نفس السوال هذاا ولاتخافو مو واسطة ولا شي من النوع هذا وربي والسبب بس اني متفوقة
بيان : اها ولا يهمك لاتخافي ماراح نعاملك انو انتي اصغر منا
سمر تناظرها بنص عين : تجرئي اشوف
بيان تضحك : هههههههههههههههه ما اقدر بس والله كنت امزح معاكي
سمر : ههههههه اعرف لاتخافي حبيبتي خذي راحتك
ــــــــــــــــــــــــــ
عبدالعزيز : طيب متى راح توصل
راكان : والله مادري بس يقولي بكره عن طريق الحدود
عبدالعزيز : والله اخاف ننكشف لان ماحد يمر من الحدود الا وهو مقبوض علية
راكان : مافي الا الطريقة هذي الحدود عن طريق البر وكل شي مخطط ومدروس لة
عبدالعزيز : طيب ماقالك ابو نايف أي وقت
راكان : يقولي بكره راح تجي عن طريق الحدود وتوصل للمكان المطولب اللي هي المزرعة
عبدالعزيز : انت تعرف انها اسلحة اللي راح تجي وغير مرخصة وغير كذا جواتها مخدارات وهذي اول عملية لنا مثل كذا
راكان : ابو نايف هو مدبر كل شي وتعرف ابو نايف له معارف كثيره لاتخاف انت العيون مطموس عليها
عبدالعزيز : يارب تعدي على خير بس
راكان : لاتشتحن
عبدالعزيز : سلطان مايحب الشغلات هذي بس راح اخليه يحبها مثل ماحب غيرها
راكان وهو يطق على كتف عبدالعزيز : ههههههههه كفو عليك يا عبدالعزيز سبع والله
عبدالعزيز : ههههههههههههه اعجبك
عبدالعزيز ياخذ الفون حقة ويدق على سلطان : الو
سلطان : هلا
عبدالعزيز : ابي اشوفك الحين انت فاضي
سلطان : ايه فاضي تعالي بالفلة بعد شوي راح اكون فيها
عبدالعزيز : ماشي ماشي ياالله باي
سلطان : باي
عبدالعزيز سكر السماعه : يالله راكان تعال ودني لفلة سلطان
ركان : يالله اركب
ــــــــــــــــــــــــــــــــــ
المغرب 7 : 12 دقيقه
محمد : حنان بسرعة
حنان وهي تلبس العباية : يالله جيت
محمد : أبي افهم وش جالسة تسوي كل هذا عشان تروحي لصاحبتك يعني كل يوم تشوف خشتك بالمدرسة
حنان : شفيك انت الحين علي واذا كنت اشوفها كل يوم , بالمدرسة غير وفي البيت غير
محمد يناظرها باستحقار : يالله اشوف قدامي وبلا كثره حكي زايد
حنان : اوووف منك
حنان وصلت لبيت صاحبتها نوف
تدق الجرس
كان اخو حنان يستنى اختة لما تدخل البيت وشباك السياره مفتوح
نوف تفتح الباب وتستهبل على حنان : هولاااااا هولااااااا
حنان : يا مرحبا بالخشة هذي
نوف تستهبل وماكنت تعرف ان في احد : ارحب خشمك يا رجال
حنان وهي تقرب تبي تحط خشمها بخشم نوف : اعقب ي ولد
نوف تبعد وجه حنان عنها : روحي زين بسسس عطيني سلام البنات صصح
حنان تدلع وتبوس برقة : هلا ولله كيفك شو عاملة ؟
نوف تقلدها : بخير الله يسلمك بشويش بشويش لاتعوري خدي مره ماتحمل احد يلمسة
حنان تصقع خدها بخد نوف : ابشري
نوف بأستهبال : اااحححح يا كلبةة يالله عاد ادخلي جالسين بالشارع استغفرالله تعالي شوفي وش مسوية لك اوو حركات والله
حنان تدخل وتسكر الباب : والله جدد يالله خلينا ندخل
نوف : سريعه بس في الاكل يالبطينية
حنان تضحك :هههههههههههه حرام عليك بس تحمست وش مسوية
نوف : استهبل معاااك والله تمونين يالمجنونة
محمد سكر الشباك: والله اختي ماصاحبه لها وحده مثلها كلهم خبلاان اللهم لك الحمد والشرك بس والله ضحكتي ذا اللي اسمها نوف مهيبيلة
شغل السيارة ومشى ! !
ــــــــــــــــ
سمر خلصت من شغلها وسكرت مكتبها وحطت المفتاح في شنطتها وطلعت
وهي تمشي اخذت الفون حقها تدق على سواق الشركة يجي ياخذها
سمر : الو رزاق انا استناك تاخذني من الشركة توديني للبيت
رزاق : انسة سمر الاستاذ سلطان قالي لاتوديها للبيت وهذا اوامره ماقدر اعارضها
سمر انقهرت : كيف يعني من اللي راح ياخذني
رزاق : انا امدري والله اسف لو الامر بيدي كان الحين اخذتك
سمر : ماتقصر اخوي وانا مقدرتك " سمر سكرت السماعه وهي منقهره بقوه "
تدور رقم سلطان وتدق عليه
سلطان رد وهو يضحك : لاتساليني انا الحين بجي امرك
سمر : وليه مانع السواق يوديني للبيت
سلطان : في شي ضروري وشغل مهم
سمر : لو سمحت انا خلصت شغلي الحين
سلطان : بلا حكي فاضي ولاتتشرطي علي فاهمة يالله الحين بجي والقاك طالعة " سكر السماعه
سمر : والله لوارييك يا حيواان اكرهكككك اكررهكك
سمر وهي جالسة برا الشركة شافت سلطان بالسياره
سلطان : يالله اركبي
سمر تجي وتركب السياره وراا
سلطان : يلتفت عليها الحين راح اوديك للمزرعه
سمر طارت اعيونها : أي مزرعه تحكي عنها
سلطان : اللي فيها الشغل المهم
سمر سكتت : اوك طيب يالله حرك
سلطان : مو سواق عندك على فكره
سمر : شو ماحكيت شي
سلطان : احلفي بالله شو اللي حركك
سمر تبي تقهره : ايه حرك يعني امش مستعجلة انا
سلطان : هذا الحكي اللي تقوليه ماينحكى لي فاهمة
سمر ماردة عليك وطنشتة
سلطان طول الطريق ساكت معصب من تصرفها لان اول مره بنت تتصرف معاها بالشكل هذاا
وسمر مستانسة لان عرفت شو اللي يضيقة
سلطان وقفت السياره : يالله وصلنى
سمر مستغربة من المكان كان ضلاام : وين المزرعه
سلطان يضرب ببوري السياره : الحين تشوفين
الا وسمر تشوف بوابة سوادا كبييييرره تنفتح شعرت بالخوف
دخلت سياره سلطان كان كل شي ضلاام بعد ما مشى سلطان نص كيلو
شافت سمر انوار كثيرره وشافت جوا المزرعه بيت دور واحد واسع وكبير وكان فخم والنخل محوط على البيت واشجاره كثيره كانت المزرعه غاية من السحر
سلطان وقف السياره : يالله انزلي بسرعه عشان اعطي كرم المفاتيح يحط السياره بالبايكة
سمر تنزل من السيارة ولا ردت على سلطان
سلطان ينادي كرم: كرم
كرم : امر طالع عمرك
سلطان ينزل من السياره ويعطية المفاتيح : شوف شغلك
كرم : حاظر طال عمرك
سمر كانت تشوف المزرعة وتشم ريحة الورد وكانت تسوي وضعها جداً عادي والي جواتها غير
سلطان : شو عاجبك المكان
سمر تلف علية : امممم وين المطلوب مني
سلطان يقلدها : اممم راح تشوفين المطلوب منك
سلطان دخل البيت وكان جوا البيت كلة مجمع حريم عاريات وسكرانات وكان المنظر جداً بشع
سمر دخلت وهي اعيونها مو مستوعبة اللي تشوفة : انت شو جايبني وشو المنظر هذا
سلطان يضحك: ههههههههه لسى باقي ماشفتي شي
سمر وهي مشمئزه من المكان و تشوف وحده تشم لها حشيش كانت تشوف انواع الاشكال القذرة : لاتقولي هذولا كلهم سعوديات
سلطان يضحك : ايه كلهم سعوديات
سمر منصدمة : انت فعلا مو بشر
سلطان : الزمي احدودك ويالله تعالي اجلسي هينا
سمر جلست في المكان اللي طلب منها : شو تبي الحين
سلطان : شفتي المكان هذا بكره راح تجي بضاعه وشخص راح يجي لشركه لك ويعطيك المطلوب وراح تاخذي البضاعه هذي وتوديها للمكان المطلوب
سمر : ايوا وبعدين
سلطان : بعدها راح يعطونك شنطة اللي فيها فلوس وراح تجي للمكان هذا وتسلمي الشنطة لواحد اسمة راكان وبعدها ترجعي لشركة
سمر : سلطان هذي شغلة مو سهلة وانا مو قد الشغله هذي وانا مو راعية البلاوية هذي
سلطان : خلاص الكلاام ونفذي المطلوب ولا راح تعرفي شو بيصير ولا تكرري الحكي
سمر : طيب وين دورة المياه
سلطان : براا
سمر تحس حالها مبستفرغ من البنات المتعريات وريحة الخمر - طلعت سمر برا وشافت دورت مياة دخلتها وهي مو تحملة واستفرغت
سلطان جلس يشوفها ويضحك لان سمر ماسكرت الباب
سمر وهي ماغطت وجهها : وش فيك تضحك
سلطان فهى فيها حسباله ان سمر عادية بس صارت عكس هذا
سمر وهي تصارخ : انت وش فيك تضحك
سلطان : هاه لا بس ترا شكلك حلوو
سمر وهي تو تلاحظ على نفسها وتسكر الباب بدون شعور : ياربيية شافني يارب سامحني والله اسفة ياربي ماكنت اقصد " تحط يدينها على خدودها جلست ساعة ماطلعت من الحمام "
[ سمر بيضاء وبيضاها يجذب الشخص , شعرها اشقر مع خصل بنية طويل واعيونها وساع لون اعيونها رمادي مو نحيفة مره ولا سمينة جسمها خيآلي وطويلة بس مو مره , يعني هي جمآل ]
سلطان : يالله اطعلي ترا تاخرتي على اهلك راح يقلقون عليك
سمر تطلع: يالله
سلطان مادر عليها : كرم حظر السياره بسرعة
كرم وهو يجيب السياره وطلع منها : تفضل هذي السياره
سلطان يركب السياره شاف سمر ماركبت : شو تستنين
سمر : ولا شي " تركب السياره "
سلطان وصل سمر لبيتها !
سمر تاخذ مفتاح البيت وتدخل كانت الساعه 9
ام سمر : وينك يابنتي كل هذا شغل
سمر : وش اسوي يمة تعرفين شغل الشركات مايوقف والمشاور مره بعيد
ام سمر : والله خفت عليك
سمر : لاتخافين علي يمة مافيني الا العافية
ام سمر : تعشيتي
سمر : لا يمة ماتعشيت عاد انا جوعانة
ام سمر : اسم الله عليك يا يمة الحين العشاء جاهز انتي روحي بدلي ملابسك وراح تلاقية جاهز
سمر : ان شاء الله يمة
صعدت فوق لدرج ودخلت غرفتها واخذت شاور سريع وبعده
| | |  |
الثلاثاء يوليو 16, 2013 1:02 am | المشاركة رقم: | | المعلومات | | الكاتب: | | اللقب: | | الرتبه: | | | الصورة الرمزية |
| | البيانات | | عدد المساهمات : | 312 | | السٌّمعَة : | 0 | | تاريخ التسجيل : | 23/02/2013 |
|
| الإتصالات | | الحالة: | | | وسائل الإتصال: | |
| موضوع: _da3m_11
رواية لن تكوني لغيري بهـذا الزمان/بقلمي جديده بسم الله الرحمن الرحيم  دعني أنحي قلمي قليلا أقف أحتراما لك ولقلمك وأشد على يديك لهذا الابداع الذي هز أركان المكان لله درك فقد كانت حروفك كالاعصار في وجه الازرق ......ابداعك فرض كلماته على الصفحات السحرية لاحرمنا الله هذه الكلمات
| | | |
| الــرد الســـريـع | |  |
|
| الذين يشاهدون محتوى الموضوع الآن : 20 ( الأعضاء 3 والزوار 17) | |
 تعليمات المشاركة | صلاحيات هذا المنتدى: لاتستطيع الرد على المواضيع في هذا المنتدى
كود HTML معطلة
|
| |
| |
|
 | منتدى يحتوي على مشاركات جديدة |  | منتدى لا يحتوي على مشاركات جديدة |  | منتدى مغلق عن المشاركات |
|
|
