:: TRAIDNT FORUM :: - Powered by vBulletin



منتديات همس القلوب


 
الرئيسيةالرئيسية  التسجيلالتسجيل  دخولدخول  

منتديات همس القلوب :: المنتدى الترفيهي :: قصص و روايات

صفحات الموضوعانتقل الى الصفحة : الصفحة السابقة  1, 2, 3
شاطر
الإثنين يوليو 01, 2013 4:59 am
المشاركة رقم:
المعلومات
الكاتب:
اللقب:
المدير
الرتبه:
المدير
الصورة الرمزية


البيانات
عدد المساهمات : 997
السٌّمعَة : 1
تاريخ التسجيل : 14/02/2013
الإتصالات
الحالة:
وسائل الإتصال:
معاينة صفحة البيانات الشخصي للعضو http://hms-alqlop.ahlamontada.com


مُساهمةموضوع: رد: رواية قتلني واصبح معشوقي كاملة روعة بل اكثر من روعة



رواية قتلني واصبح معشوقي كاملة روعة بل اكثر من روعة


بسم الله الرحمن الرحيم
************
صحت من النوم وشافت البنات
لسى نايمين..

ناظرت الساعه ولقتها 9 يووه ماصلت العشا معقوله ماحد صحاهم..

صحت البنات وراحت غرفتها دخلت وبدلت لبسها لبست فستان بني محروق بأحمر ولبست بوت طويل بني
فرقت شعرها ع جنب وتركته مفتوح وحطت ميك أب ناعم وتعطرت ..

أخذت شنطتها وجوالها..تفاجأت
لماشافت مكالمتين من رعد..

طلعت من الغرفه ووقفت لما
سمعت صوت تعرفه زين..
شافت ظهر صاحبة هالصوت
وبإيدها جوالها تحكي بكل غنج
ودلع ..واللي صدمها أكثر مين
قاعده تحكي معاه ...

رعـــــــــــــــد...

رجعت خلفها واصطدمت بريم
اللي واقفه وضامه جاكيتها لهامن البرد ومكشره

ريم:شفيك

حاولت لميس تمسك نفسها بأعجوبه وقالت:مافيني شئ إنتي ليش واقفه هنا

ريم بضيق:خالتي أم عبدالله
شرفت

سكتت لميس ثم قالت:طيب إمشي نروح عندهم .

ريم بضيق:مالي خلقها..
برجع أنام

سحبتها لميس من يدها بإصرار:إمشي

مشت معاها بضيق..وصلوا عندهم ووقفت لميس فجأه لما
شافت رعد واقف عند جدته وبحضنه رند يلاعبها ..

ريم همست:أححسن

كيف تكون دلال تحاكيه ع جوالها
وهو واقف قدامها وعند أهله
نزلت نظراتها ليده وتحطمت
لما شافت الجوال في يده
حبست دموعها باصرار و
مشت ناحيتهم وهي تشوف رعد
رفع راسه يناظرها لما نادتهم
أم خالد...

أبعدت نظراتها عنه وإصطدمت
بنظرات دلال الحاده..توها تنتبه
إن دلال موجوده...متى رجعت
تجاهلتها وسلمت ...شافت ريم
تسلم ع أم عبدالله وواضح ع وجهها الضيق...

جلست لميس جنب الجده وجنبها
ريم...

شافت دلال قامت وقربت من رعد بدلع وقالت له يعطيهارند
لكن رند صدت عنها ولصقت بكتف رعد ماتبغاه...

طاح وجهها قدامهم ...
قربت من رعد وراسها قريب من
كتف رعد تحاول تشوف رند مقتصده وعيونها ع لميس بتحدي..

لميس انصدمت والقهر والغيره إشتعلت داخلها ..شدت ع يدها
بقوه وإرتفعت نظراتها لرعد
بقهر وضيق..وصدت عنه

إنتبه رعد ع قرب دلال لماشاف نظرات لميس وابعدعنهاوهو يحط رند في حضن أمها ..متجاهل دلال..

إنصدمت دلال من حركته وهي
تشوفه راح خلف لميس وناداها..

رفعت لميس راسها تناظر فيه
متفاجأه وشافته مد يده لها..
مسكت يده الدافيه ورفعها علشان توقف..

إستأذن منهم وأخذها معاه...

طبعا دلال تحطمت وجلست
مغتاظه وتناظر في أمها اللي
تجاهلتها ..يعني إيش تبغيني أسوي لك ..

***************

جالسه ع السرير وميته ضحك
ع سوالف سميه ...حبتها مره هالبنت تدخل القلب بسرعه..
بعفويتها ومرحها...

ضمت المخده لصدرها تضحك:خلاص سميه...

ضحكت سميه لماشافت تولين
تعودت عليهم ...وعليها هي بالتحديد...

سديم قامت من النوم من إزعاجهم وأصلا هي مانامت زين من التفكير...وأكيد عارفين
في مين...

سديم:إنتو بتسولفون إطلعوا برى وخلوني أنام

سميه:وإنتي لسى بتنامين إصحي يالله شوفي الساعه كم

تولين إستحت من سديم وقامت:أنا بروح أبدل..

سميه :عارفه وين غرفتك وإلا أروح معاك


تولين:لا عارفه وين...شكرا

طلعت من الغرفه ورجعت :تعالي معاي..

ضحكت سميه وطلعت معاها..

وصلتها لغرفتها وراحت..

دخلت الغرفه تبدل لبسها وإحتارت إيش تلبس ياليت سميه موجوده...

لبست فستان صوف أنيق قصير
ولبست بوت طويل

رتبت حوستها ..سمعت صوت باب الغرفه وراحت تفتحه..

شافت سميه قبالها بابتسامه:خلصتي..

تولين:أيوه خلصت ..

راحت تجيب شنطتها وجوالها
ووقفتها سميه :لحظه ..ماحطيتي ميك أب

تولين إبتسمت:لازم...لأني مااحبه

ضحكت سميه وهي تسحبها للتسريحه :بتتعودين...وبعدين
إنتي عروس لازم تحطين

جلستها ع الكرسي وشالت خصل شعرها عن وجهها..

حطت لها ميك أب خفيف وناعم
..
سميه:شطبنا..

إبتسمت تولين :شكرا

طلعوا مع بعض من الغرفه ..
إنتبهت سميه ع جوالها وإبتسمت
لماشافت المتصل وإستأذنت من تولين وراحت بعيد عنها..

عرفت تولين إنه راكان من إبتسامة سميه الحلوه والفرحه
اللي شافتها ع وجهها...

عقدت حاجبها فجأه لماجا ع بالها فيصل في هاللحظه...

كملت طريقها لوحدها تمشي ببطئ لأنها مو عارفه وين تروح

وقفت لماسمعت صوت خفيف يناديها بهمس...

خافت وكملت طريقها والصوت
تحسه يقرب منها ...
شهقت وهي تلف خلفها لماحست في يد ع كتفها...

وشافت فيصل قدامها يناظرها باستغراب وإيده رافعها عن كتفها:شفيك

عقدت حاجبها زي الأطفال بعتاب وهي تحس دقات قلبها للحين تدق من الخوف:أرعبتني

تحولت نظرته المستنكره للضحكه وقال:وليه تخافين..وبعدين ليه مارديتي علي لماناديتك شككتيني إنك مو تولين زوجتي...

نزلت عيونها لماسمعت كلمة زوجتي ..

شافت يده تمسك يدها اللي حاطتها ع قلبها وتبعدها وتصير
مكانها..

رفعت راسها بخوف وإيدها ع يده بتبعدها..وتجمدت يدها لما
شافت نظرة عيونه السود وإبتسامته المرسومه ع وجهه..

ماقدرت تبلع ريقها لماسمعت
همسه يقول:للحين خايفه...

ماتدري ليه حسته مايقصد خوفها من اللي صار قبل شوي
حسته يقصد خوفها منه...

توسعت عيونها بصدمه لما أبعد
شعرها عن جبينها وباسه...

:إحم إحم..

التفت فيصل وشاف رشا واقفه
وتناظرفيهم بقهر وغيره..

ماعطاها فرصه تحكي لأنه لف
ماشي راجع للشباب...

زاد قهرها حركت تطنيشه زياده
ع الموقف اللي شافته فيه مستحيل صار يحب تولين...
معقوله نسته أمل بهالسرعه..
معقوله حب هالجاهله البيئه اللي قدامه...وأنا أنا قدرت أبعده
عن أمل علشاني علشان يلتفت
لي وفي الأخير تاخذه هذي مني

ناظرت في تولين اللي لسى واقفه مكانها بحقد وقالت:إتهني
فيه قد ماتقدري ..لأني ماراح أخليكم تتهنون فاهمه

تولين خافت من حكيها واللي خوفها أكثر نظرة عيونها الحاقده...

****************

مشت معاه غصب عنها قلبها
اللي يقودها مو رجولها...

وماشافت نفسها إلا عند ساحة الإسطبلات معاه..

واقفين حول السياج اللي محاصر الرعد وحصان ثاني معاه ..

لف لها وإيده متكيه ع السياج وقال :أتوقع إنك شفتي مكالماتي..

لميس قالت بهدوء وتحس ببروده
في جسمها من قربه لأنه كان قريب منها زياده ع البرد اللي بينخر عظامها لأن المكان مكشوف:أيوه

رعد مع إنه عارف ليه:طيب ليه مادقيتي..

لميس:لأني شفتك قدامي فماله داعي أدق وإنت قدامي

لف راسه وهو يرجع شعره ع ورى ويتنهد...

ناظر فيها وتعلقت عيونهم في بعض...
إشتاق لها ..إشتاق لعيونها ..
يحس الساعات اللي ماشافها
فيها عذابها للحين داخله..
وموقادر يعبر لها عن شوقه..مو
قادر يقرب لها لأنه عارف إنها
بتصده...لكن دقات قلبه الهيمانه
مارحمته ...

همس لها:إلى متى...

لميس أبعدت عيونها عن عيونه
بصعوبه وقالت ودموعها مغرقه عيونها:إنت اللي حطيتها إلى متى ...إنت اللي لازم تسأل
نفسك هالسؤال وأنا بعد لازم أسألك إلى متى بتظل تعاملني
بقسوه ...إلى متى بتظل تشك فيني وتجرحني ..أنا تعبت من جروحك ونظرات التشكيك والإتهام اللي ترميني فيها ..
أنا عارفه إنك للحين مومصدق
إن فيصل مثل أخوي وبس عارفه..عارفه إنك للحين مومصدقني..عارفه إنك تعتبرني
وحده .....

ماقدرت تكمل حكيها لأن غصتها
خانقتها ودموعها نزلت ...

رعد منصدم ويناظرفيها..

رجعت خلفها لماشافته بيقرب منها وقالت بين دموعها:إبعد عني...أناعمري ماأذيتك في شئ
أنا حتى موعارفه ليه تعاملني
هالمعامله...إنت عارف إن الكل
صار يعرف بعلاقتي معاك كيف
نظراتك لي وتصرفاتك خلتهم
يلاحظوا ...أنا أحس إن داخلهم
عارفين إنك تكرهني وشاك فيني ..سواء منك أو من غيرك

شهقت وهي تقول :إنت تحب
دلال وندمان إنك تزوجتني
لاتقول أنا ماحبها لا
دفاعك عنها ..سكوتك عن تصرفاتها..وقربها منك ..
تقول إنك تحبها...

كملت وقلبها ينزف من حبه:
إذا تحبها ليه تزوجتني.. ليـــــه
إذا تحبها طلقنـــــــي وتزوجها..

كان يناظرها مصدوم هو حتى مايلومها ع حكيها..
إنتظرها لين تهدى وهو ماسك
نفسه بالقوه ويشوف دموعها
..
لماهدأت فسخ جاكيته الأسود وحطه ع أكتافها يدفيها..

رعد:خلصتي كلامك ..

ناظرت فيه بنظره هزته..منظر
عيونها الزرقا الواسعه الغرقانه
دموع ..هزه دمره أكثر من حكيها..حتى شعرها يبكي معاها

بعدت عنه بتروح لكنه مسكها:
إسمعيني..أنا سمعتك ومن حقي إنك تسمعيني

أبعد يده لماشافها لسى معطته
ظهرها وماناظرته...وصوت شهقاتها واضحه وإرتجافها..

قال لها كل شئ من أول لحظه
شافها فيها وأخذت قلبه وتفكيره
صدمته لما سمع إنها صاحبة علاقات ..كل شئ يشوفه منها
يثبت له هالشئ ..تصرفاتها وحكيها ..
معاملتها لفيصل وغيره بعكس
معاملتها الجافيه معاه
تجاهلها له التام وتطنيشها من أول لحظه شافها فيها
كان يشوفها مهمشته حتى بنظره وكلمه ..حتى لمايكونوا
في مكان واحد تهرب منه...
كل هذا كان معذبه والعذاب بحد ذاته هو إنها صاحبة علاقات
من كل الأدله اللي يشوفها قدامه تثبتها...مكالماتها اللي إكتشف إنه ظلمها فيها..كلام
أمه ورنا ودلال اللي زرع الشك
فيها وحطمه..
حتى رفضها له لما تزوجها وبعد
زواجه بها ..زاد غضبه وقهره

كانت كل كلمه يقولها تحطمها
تطعن قلبها..مومعقوله كان هذا
تفكيره فيها..
وصورتها هذي قدامه..من زمان
تمنته سكت وماتكلم لأن كلامه
عذبها أكثر من سكوته..
تحس راسها بينفجر مومصدقه
رجولها موقادره تشيلها..
معقوله هذي كانت صورتها قدامه طول هالمده..
صورة البنت الصايعه الضايعه..
في كل دقيقه نبض فيها قلبها
له حب..كان قلبه ينبض شك وإحتقار مقابلها..

شهقت تبكي وهي تلف وتضربه
من صدره :يكفي مجنوووون...إنت آآهئ..مجنووون...

مسك يدها بيتكلم لكن صدمته
ردة فعلها لما سحبت يدها منه
ودفته مع إنه ماتحرك من مكانه:إبعددد عني...

لفت بترجع وهي تحاول توقف
دموعها لكن غصب عنها تعاندها...وتركته..

ضرب السياج بقوه بقبضة يده وتنهد بقوه
يحس نفسه مكتوم ..
لف وتسند ع السياج ...
"طلقنــــــــــــي وتزوجهــــــــا"

غمض عيونه بقهر ...كل دقيقه
يحسها تبعد عنه أكثر..وهو مو
قادر يتحمل بعدها..كان يظن إنه إذا صارحها بيرتاح واللي صار
العكس أبعدها عنه اكثرر

حس بحركه خلفه والتفت وشافها واقفه ..خصلات شعرها يحركها الهوا ..إحمرار
خدودهاالناعمه من بكائها أو من برودةالجو..عيونها الواسعه
ببحر الدموع عذابه..
إيديها اللي ضامه جاكيته ..
وهي تقول بصوتها الباكي :
أبغى أرجع..

تخاف ترجع لوحدها في الظلام ..وتبغاه يرجعها ..هو الأمان لها ...

غمض عيونه وهو يسحبها لحضنه وإيديه تحاوطها بقوه
ودفن وجهه في شعرها ..

تفجرت دموعها لما حست بدفا
حضنه وزاد بكائها وعلت شهقاتها ....

**************

دخل البيت تافل العافيه وماله
خلق خاله وبنته ...

قابلته الخدامه وقالت إن خاله
ينتظره في المجلس..

تأفف وراح له في المجلس
وليته ماراح ولا جاله بالأساس
كان نفسه يصك خاله كف ع وجهه أو حتى يقتله..لماشاف
الشيخ جالس وشخصين

مسك أعصابه بالقوه..ومايدري
إيش يسوي..خاله بيملك له ع بنته غصب..

ظل واقف مكانه مايدري كيف
يتصرف أو حتى إيش يقول
عقله وقف عن التفكير...

***********

وقفت مكانها متفاجأه لماشافت
لميس تدخل غرفتها وشكلها
تبكي ...ورعد واقف وشكله مو
ع بعضه..

قربت منه:رعد شفيك..شفيها
لميس

حط إيده ع شعره وعيونه ع باب غرفته:مافيها شئ ...
أنا اللي فيني..

إنصدمت لماشافت عيونه
بس ماعطاها فرصه تسألها لأنه
لف ماشي..

راحت للغرفه ودقت الباب ع لميس ماسمعت منها رد..
ماحبت تضايقها وتصر وتركتها
وبالها مشغول فيهم...

شافت تولين جالسه لوحدها وراحت لها...

:شفيها الحلوه جالسه لوحدها

إستغربت لماماردت عليها وشكلها سرحانه....

جلست جنبها وإيدها ع كتفها:تولين

إنتبهت لها تولين وإبتسمت:هلا ريم..

ريم:شفيك سرحانه

تولين:سلامتك مـ.....

قطعت حكيها لما صدح صوت جوال ريم..

كشرت بضيق لماشافت رقم
عبدالله..أكيد أمها عطته رقمها..

طنشته وقفلته ودخلته في جيبها
ناظرت في تولين اللي منزله راسها وتفكر ..

قالت:تولين شفيك حبيبتي ..

ناظرت في ريم وقالت بهمس:خايفه..

إستغربت ريم:من إيش..

تولين بتوتر:رشا..

ريم:رشا...ليه سوت لك شئ..قالت لك شئ..

قالت لها تولين وريم إرتفع ضغطها من رشا :ماعليك منها
راعية حكي بس ..ماتقدر تسوي
لك شئ..من قهرها بس لأن فيصل إختارك إنتي ماختارها ..
لاتخلينها تخوفك طنشيها ماينفع
معاها إلاكذا..

تولين كانت تناظر في ريم من قالت كلمة إختارك..يعني فيصل
هو اللي إختارها...بس هو يحب
أمل...حتى ولو فكرة إنه إختارها
هي وترك بنت خالته القريبه منه
طول عمره حسستها بسعاده..
حسستها بشئ حلو داخلها...

كانت قبل مفكره إن أهله هم
اللي أجبروه عليها...جا ع بالها
نظراته أول ماشافته في حديقة
بيتهم...نظراته قبل شوي لماكان
عندها...حست بخفقات قلبها تزيد ومانتبهت لحكي ريم اللي
لاحظت سرحانها...

ريم:تولين..إنتي معاي..

إبتسمت تولين وقالت:أيوه أيوه
معاك..

ضحكت ريم:والله شكل عقلك
راح عند أخوي موعندي...

إبتسمت تولين وتفاجأت بسؤال
ريم المفاجئ والجرئ:تحبينه..

نزلت راسها بخجل ولأنهاماتوقعت هالسؤال وخصوصا من ريم...

ضحكت ريم وهي مبسوطه داخلها إن تولين واضح إنها تحب
أخوها:ياقلبي ع اللي يستحوون..

*************

سكر جواله بقهر وغيض لأنها
طنشته ولاردت عليه...كان عارف إنها عرفت رقمه وطنشته
وماتبغى تحاكيه...

هين ياريم..أنا تتجاهليني..

قطع أفكاره صدمته لماشاف
بسام داخل مع فيصل..

هذا إيش جابه بعد...

لكن بسام ماعطاه وجه وتجاهله لأن هذا أحسن حل
وإلا كان ذبحه...وجلس مع الشباب بعيد عنه...


********

ركب سيارته وهو يضرب الدركسون بكل قوته والنار تشب داخله...مومصدق اللي
سواه...

ملك ع مرام يعني صارت زوجته..

شد ع قبضة إيده وهو يسند راسه بقهر ...وألم..

معقوله ينجبر ع زواجه...

واللي زاد قهره إبتسامة مرام
بكل وقاحه وجرئه...

آآه يارب ...خلاص إنربط إسمها
القذر باسمه طول العمر...نفذت
تهديدها واللي في راسها...

غمض عيونه لماتذكر تولين...
آآآه ياتولييين...

*****

بتطير من الفرحه..مومصدقه
إنها خلاا ا ا اص حصلت ع زياد
وصار لها...

أهم شئ أنقذت نفسها وسترت
ع حالها...وماحد راح يكشفها..

والأهم نفذت تهديدها..وجابت
راسه ...

فرحتها نستها تعبها ..وقررت تسوي حفله في البيت بمناسبة
نجاح خطتها وفوزها بزياد...
وبتعزم كل صاحباتها...

أبوها إنبسط لماشاف فرحتها
وإنبسط أكثر لما عرف إنه بتحتفل وتعزم صاحباتها...

لأنها من زمان ماسوت حفلات
وكان التعب واضح عليها والكآبه
الأيام اللي فاتت...
رجعت مرام دلوعته مثل قبل..

**********

ماقدر يتحمل لين يشوفها ..كان
جالس معاهم جسد بلا روح
عقله وقلبه عندها...

قام من مكانه وطلع من عندهم
..
إعترضت طريقه دلال واقفه بكل دلع:أهلين رعد..

إنصدمت وطاح وجهها لما تعداها وماناظر فيها...
بتمووت من القهر والغيظ هذا
حتى ماناظر فيها ولاكأنها موجوده قدامه..أول مره يتجاهلها...

التفتت خلفها لماسمعت صوت
ضحكه..

شافت سميه واقفه معاها شهد
اللي ميته ضحك وهي تأشر عليها:طا ا ا ا ا ا اح وجهها...

سميه بشماته:يابنت إحفظي
كرامتك ولمي وجهك وإبعدي
عنه تراه مايشوف قدامه غير
لميس وبس...

مشت من عندهم تغلي قهر
وحقد...وإلا هذي تتشمت فيها
وهالنتفه تاخذها مسخره..

آآآه يالقهــــررر..أنا أراويك يا
رعد...تتجاهلني وتطنشني علشان لميسوووه...

كانت تتوعــــد وتهــــدد...مو
مصدقه إنه تجاهلها...وقدام مين
سميه ...وشهد إذاعة لندن...

***************

فتح باب غرفته وشافها خاليه
خاف يكون صار فيها شئ أو سوت في نفسها شئ..هذا اللي
جا ع باله وهو في طريقه..

شاف سديم جايه وناداها...
جت له مبتسمه:هلا رعد...

رعد:هلاسديم..كيفك..

سديم:الحمدلله تمام...آمر

رعد:مايامر عليك عدو...لميس وينها..

سديم إستغربت:مادري..من أمس ماشفناها..كنا نظن إنها معاك..

رعد بدأ الخوف يسري فيه:شنو..

سديم خافت:ليه هي ماكانت معاك..أجل وينها...

رعد بدت دقات قلبه تنبض بقوه
من أن يكون شئ من اللي في باله صار..

سديم بخوف:ياويلي وين راحت
البنت...

مسكها رعد بقلق وقال:لا تقولين لأحد ...أنابروح أدور عليها
أكيد تكون رايحه تتمشى في مكان وتاهت ...

سديم:طيب خبرني إذا لقيتها...

راح رعد بسرعه ودقات قلبه
تسبقه...لو يصير فيها شئ بسببه
بيموت...تمنى إن ماصارحها..

جلست مع البنات وجوالها في يدها وكل شوي تطالع فيه ..بقلق وتوتر...خايفه يجيبون طاري لميس ...ساعتها بتفضح السالفه..

سميه رمت عليها شنطتها بدفاشه:هي إنتي ..شفيك كنك مقروصه..وتطالعين جوالك..

سديم عصبت لأنها فجعتها ورمت عليها الشنطه بقووه:ووجع ياحماره...إنقلعي مالك دخل..

قامت من عندهم وراحت ...

سميه باستنكار:بسم الله علي..
كلتني..

ريم:بعذرها...البنت سرحانه وفجعتيها بالشنطه...يالمدفوشه

ساره وهي تشرب عصيرها:الله يعين راكان عليها...

تحولت تكشيرة سميه بسرعه
لإبتسامه وبرومانسيه وإيدها ع قلبها:وه يالبى هالطاري..لاتقولين إسمه ترا قلبي يطلع من مكانه..

صرخت داليا وهي ترمي عليها
كرتون المناديل:ياناا ا ا اس البنت هذي والله ماتستحيييي

سميه وإيدها ع كتفها:آآآح ووجع
ترا ا ا ا ه زوجي مو ولد الجيران

داليا:حتى ولو...خلي عندك ذرة
حيا...

سميه:ياعمري ياخوي..شكله
ماشاف منك كلمه حلوه..إذا لهدرجه تستحين..

داليا.:ماا ا الك دخل..

سميه بشطانه:احل بدور لاخوي
وحده تدلعه وتقدر رومانسيته و...

نقزت من مكانه منحاشه لماشافت داليا قامت من مكانها وهي تصرخ بعصبيه:سمييييــــــــــــــــــه ...

ماتوا ضحك البنات ع أشكالهم
سميه رافعه تنورتها تركض والسيقان طالعه وخلفها داليا
والجده معها العصا تهووش عليهم ...واللي ضحكهم أكثر
إن الجده تصارخ ع سميه تقولها تستري ...

****************

راح للإسطبلات ع أمل إنه يلاقيها هناك..ومالقاها..

بدأ الخوف يسيطر عليه...
ركب حصانه الرعد وإنطلق فيه
جوا المزرعه...

كلما تمر دقيقه تزيد خوفه...وتزيد معها دقات قلبه...حتى عدم ردها ع إتصلاته زادت قلقه...وخلت تفكيره يروح لأكثر من سبب...

فجأه جا ع باله مكان ...معقوله تكون هنا ا ا اك...

*************

جلست ع الأرجوحه وقلبها عند
لميس...رعد تأخر مادق عليها
والوقت يمر...

ماقدرت تتحمل ودقت عليه...

قالت بسرعه لماوصل لها صوت
رعد:لقيتهاااا....

سمعت صوته القلقان مع صوت
تنفسه السريع:لا لسى...بس أنا
رايح......

عقدت حاجبها لماإنقطع صوته:ألو رعد ......رعد

**************

كان واقف مكانه ونظرات عيونه
تعلقت فيها...ودقات قلبه ماوقفت...إيده تجمدت مكانها عند إذنه حتى إنه نسى سديم
..
كانت جالسه ع الكرسي الخشبي بجمود ..وعيونها الواسعه بنظرتها اللي ماقدر يقول عنها إلا إنها ميته..با ا ا ارده
مثبته قدامها ...ع حوض الورد..

صحيح منظرها حطم قلبه..
لكنه مو مصدق إنه لقاها بخير
..سكر جواله وهو متجه لها:لميــــــس

ماناظرت فيه وكأنها غارقه بتفكيرها ومو مع العالم أو تجاهل منها..

مسك يدها وسحبها لحضنه ..
غمض عيونه يهدي ضربات قلبه
المرتجفه..وهو يحمد ربه..

قالها بخوف يحاول يخفف من حدة صوته:إنتي إيش قاعده تسوين هنا...وليه ماتردي ع جوالك...

بعدت عنه حسها بحده وناظرت
فيه نظرات قاتله وهي ترمي عليه القنبله والسهم اللي شلت تفكيره وحواسه...

*********

أخذت تدق عليه أكثر من مره...
شفيه سكر الخط أكيد صار شئ
أو يمكن لميس صاير لهاشي...

قالت بغيض وهي تحاول توقف
تفكيرها بالأسوء :هذا ليه مايرد....

:مين اللي مايرد...

شهقت لماسمعت صوت رائد خلفها ولقته واقف يناظر فيها ويردد سؤاله:مين اللي مايرد..

سديم:مالك دخل...

تقدم منها وهي خافت وخطف
جوالها من يده وشاف مين تدق
عليه...

هي سحبته بقهر من حركته:ووجع جيب جوالي...مين سمح
لك تاخذه...

رائد ببراءه وكأنه ماسوى شئ:أنا...

مشت بغيظ:سخييف...

ووقفت فجأه ولفت عليه:إنت كيف عرفت إني مصوره في جواله...لايكون فتحته...

قال بابتسامه وهو يلعب بالسبحه في يده:عارف حركات
البنات...

رفعت حاجبها بقهر:أيوه أكيد..من كثر اللي تعرفهم..

إبتسم لما لمس نبرة القهر والغيره في صوتها وقال:مو ذنبي من حلاتي يتلزقون فيني
كل ماشافوني...يتراكضون علشان يعرفوني..

قالت بقهر :ماعندهم ذووق

ومشت وخلته وهي تسمعه يقول بصوت عالي علشان تسمعه:إلا قولي يقدرون الحلا
والزين مو مثل بعععض الناا ا ا ا ا ا ا ا ا ااس...

**********




توقيع : محمد نور العسلي





الإثنين يوليو 01, 2013 5:01 am
المشاركة رقم:
المعلومات
الكاتب:
اللقب:
المدير
الرتبه:
المدير
الصورة الرمزية


البيانات
عدد المساهمات : 997
السٌّمعَة : 1
تاريخ التسجيل : 14/02/2013
الإتصالات
الحالة:
وسائل الإتصال:
معاينة صفحة البيانات الشخصي للعضو http://hms-alqlop.ahlamontada.com


مُساهمةموضوع: رد: رواية قتلني واصبح معشوقي كاملة روعة بل اكثر من روعة



رواية قتلني واصبح معشوقي كاملة روعة بل اكثر من روعة


بسم الله الرحمن الرحيم
************

وقف الزمن لحظه..وتفكيره وحركته إنشلت...دقات قلبه وقفت وتوسعت عيونه بصدمه :إيــــــش...

قالت وكلها دموع وإيدها تبعد
إيده عنها:طلقنــــــي....

مسكها بقوه مو مصدق اللي يسمعه بحده:لميــــــس إنتي
جنيتي...مستحيــــــــــــل...

قالت بحده وقلبها ينعصر:لا طلقني..طلقني وإرتاح وريحني..
أنا ماقدر أعيش مع واحد عقله مريض وتفكيره فيني بهالطريقه....حتى لو كنت أحبك
يارعد مستحيل أرضى أعيش
معاك وهذا تفكيرك فيني حتى لوكان....أنا تعبا ا انه ومو قادره
أتحملل أكثر من كذا ...طلقني

رعد مصدوم ومو مصدق اللي
يسمعه :مستحيــــــــــــل...
مستحيــــــل يالميس...

ضربته بقهر ودموعها تنزل:ليــــــه ...ليــــــه...ليــــــه ماتبغــــــى تطلقني...إنت تــ....

صرخ فيها وهو يمسك يديها:لأنــــــي أحبــــــــــــك...
أحبــــــــــــك يالميــــــس...

****************

رمى الجوال بغيض وقهر جنبه
لماتعب من كثر مايدق عليها وسافهته وماترد عليه....

دق ع إخته:ألو دلال...

دلال من غير نفس:نععم...

عبدالله:لازم تخليني أقابل ريم..

دلال:وأنا إيش دخلني...ماسكتها
وإلا مانعتك...

عبدالله:هي مو راضيه وماترد
ع إتصالاتي...

دلال:إيش تبغاني أسوي يعني...

عبدالله:أبغاك تدبرين لي وقت أقدر أشوفها ...من غير لاتعرف
لأنها لو عرفت ماراح ترضى

دلال:طيب طيب بحاول ..

سكرت منه وهي تتأفف...كيف تخليه يشوفها وهي لازقه في البنات أربع وعشرين ساعه...

قامت وطلعت برى ....

*************

تولين تتمشى مع سميه ويسولفون لماجتهم رشا تمشي:ها ا ا اي

كشرت سميه وماعطتها وجه..
أما تولين ساكته..

رشا رفعت حاجبها:شفيكم...

سميه:مافينا شئ...

جتهم شهد جايه مبوزه وتنافخ:هــــــي إنتي رجللتس أبلشني
كل شوي قايل لي روحي نادي
زوجتي ..كنه ماحد تزوج غيره

إبتسمت سميه وقالت:وينه...

شهد :هناك...وقوليله لاعاد يقولي روحي ناديها...معه جوال ..يدق عليك منه...

ضحكت سميه وراحت لراكان...

ناظرت شهد في تولين متحمسه فجأه:شفتي إيش عطاني فيصل...

طلعت من جيبها بوكها الصغير وفتحته:شوفي عطاني ميه...

قالت سميه:أكيد شاحذته...

شهد من طرف عينها:لا هو عطاني إياه...قالي إذا تحبين تولين بعطيك...وعطاني لأني أحبها...

تفاجأت تولين...ورشا ناظرت في تولين بقهر...وقالت بمكر وهي رافعه حاجبها:بنشوف إذا
عرف إنها بنت ### بيحبها وإلا لا...

ناظرت تولين فيها بصدمه ...وقالت رشا باحتقار.:شكل ولد
خالتي مايدري إنك بنت### وأبوك مو أبوك ومتبري منك...وأمك بعد بنت### رمتك عليه
زي الزباله..وهو داسها...ياحياتي
ولد خالتي إنغصب ع وحده مثلك
بنت#....

صفعتها تولين كف وهي تصرخ عليها:يكفــــــي...

إنصدمت رشا وشبت النار في جوفها ...وكل قهرها وحقدها تفجر ..وصفعت تولين كف أقوى وهي تغرز أظافرها فيها:أنا تصفعيني يا######
وحده مثلك تمد يدها علي...

شهد بدت تصارخ لماشافت رشا
تضرب تولين وتسبها وتولين تحاول تبعدها عنها...

جوا البنات ركض عندهم وشهقوا لماشافوا منظرهم...

ريم مسكت رشا تبعدها عن تولين:إبعــــــدي عنهــــــا...

الحريم تجمعوا وأبعدوا رشا اللي الغضب والقهر أعماها وهي تسب تولين...

شهقوا الحريم من الألفاظ اللي
تطلقها عليها...

مسكوا ريم ورنا تولين اللي كانت مصدومه ونظراتها المصدومه معلقه فيهم.. وأخذوها معهم....

جلسوها ع سريرها وريم ضامتها ...لكن تولين كانت جاا ا امده ..مانزلت منها دمعه وحده
..وهذا اللي خوف ريم بعد الكلام اللي سمعته...

أبعدتها عنها وصدمتها نظرات
عيونها الغرقانه دموع ...كانت إيدها ترتجف ...دموعها موراضيه تنزل...وآثار أظافر رشا
معلمه ع رقبتها...للحين مصدومه من اللي صار..

مو مصدقه إن رشا أهانتها بهالشكل قدام الكل وفضحتها
الكل اللحين صار يعرف عن حقيقتها ...كيف بتقابلهم بعد اللي صار...

************

كانت تناظر فيه بعيونها الواسعه الدامعه بكل صدمه....

مو مصدقه اللي سمعته...رعــــــد يحبهــــــا...يحبهــــــا

الكلمه ياما حلمت فيها وتمنته منه..أخيــــــرا تحققت...وقالهــــــا....رعد حبيبها الشخص اللي كان مصدر عذابها
ودموعها...الشخص اللي كانت دموعها تذرف بحر كل ليله وكل
دقيقه بسببه وبسبب حبه...أعلــــــن حبــــــه لها...


كانت مو سامعه غير دقات قلبها السريعه وصدى
الكلمه يتردد في راسها...وعيونها بحر الدموع الأزرق متعلقه بصدمه بعيونه اللي ياما
عذبتها...

مسك وجهها بيديه الدافيه وهو يبعد خصل شعرها عن وجهها ويقول ويأكد لها بهمس وإصرار:أحبــــــك...والله العظيم أحبــــــك يالميس...وعمري ماحبيت غيرك ولا راح أحب..

شهقت ودموعها نزلت ..ضمها له بقوه ..وغمض عيونه باستسلام لها ولحبها...أخيرا قدر
يعلن لها ويعترف بحبه لها ..وعشقه..أخيرا قدر يرتاح وينطقها..

بكت بصدره بقوه..بكت وبكت
وبكت لين ذاب قلبها وجروحها..
بكت بعدد الدقايق والثواني اللي
تألمت فيها وتمنت حبه...بعدد الثواني اللي تمنت يحتويها صدره
الدافي...

***************

كانت تدور في القصر كلله بكل
فرح وراحه...تشرف ع ترتيبات
الحفله ...

أخيرا حلمها تحقق وقدرت تحصل ع زياد وتستر نفسها...

وأبوها كان يشوف السعاده بعيونها اللي اثار التعب واضحه عليها...كان مبسوط إن مرام
رجعت مثل قبل...

ركض لها بخوف لما شافها وقفت مستنده ع الطاوله وملتويه ع بطنها وتتأوه...

سندها عليه بخوف:مرام..مرام
حبيبتي شفيك...تعبانه..

بعدت عن أبوها بألم وعدلت وقفتها :ما فيني شئ بابا ..لاتخاف ..بس يمكن لأني قايمه بدري وما أكلت شئ ..

جلسها وهو يقول:خلاص إرتاحي من الصبح وإنتي متعبه نفسك...يايبه أهم شئ صحتك وإلا الحفله لاحقه عليها نخليها يوم ثاني..

قالت بسرعه:لا بابا مافيني شئ
اللحين بخلي الخدم يجيبون لي
شئ آكله وبصير كويسه..ماله
داعي أأجل الحفله...

راحت غرفتها بعد ماقالت للخدامه
تحط لها أكل ...مستحيل تخرب
فرحتها وتأجل حفلتها..تبغى تنبسط اليوم وتفرح ومستحيل
شئ يعكر مزاجها وفرحتها...

*********

سكرت جوالها بسرعه لما دخلت
أمها عليها.:وبعدين معك أربع وعشرين ساعة جالسه في غرفتك...لا أكل ولاشرب..كني عايشه في البيت لحالي..

تأففت بضيق:يمه مالي خلق شئ ...

:هذا إنتي إذا قلت لك شئ..قلتي مالي خلق ..أنا مادري متى يصير لك خلق تجلسين معي ..

صرخت بعصبيه:أوووه وبعدين يعني أنا تعبانه وأبي أنام...خليني بروحي...

طلعت أمها معصبه وهي قفلت
باب غرفتها ..وجلست ع سريرها وأخذت الصور اللي قدامها ...بنظرات كلها حقد وكراهيه وإنتقام:والله ما أخليك
تتهني في حياتك..والله لأسوود
حياتك مثل ماهدمتي حياتي...

*****************

سكر جواله باستغراب لمالقى
منها رد ع مكالماته...
هي صحيح ماترد عليه بسرعه
بس في نهاية ترد...

ودخله في جيب بنطلونه الأسود وهو يقوم...

ولما طلع شاف بسام جالس بعيد وشكله في عالم ثاني......

قرب منه وهو محتار من حال
صاحبه..كان يلاحظ إنه يسرح
كثير.. ويجلس لوحده...يشوف
في عيونه شئ مخبيه عنه...

فيصل بابتسامه ضرب كتفه:طححت عليك..شقاعد تفكر فيه..

بسام إرتعب من ضربة فيصل
ع غفله وناظره بلوم:يقطع بليسك...فزعتني...بغيت أهفك بكف أحسبك رائد..هذي حركاته
ومو أول مره يسويها..

ضحك فيصل وهو يجلس جنبه:
لا رائد شكله عاشق من جينا وهو يناظر جواله ويتمشى لوحده ويسرح كثير...زي واحد أعرفه..

قال كلمته وهو يخز بسام قاصده..

إبتسم بسام ويلف وجهه...وفيصل يقول:بس تدري إيش الفررق بينكم....إن رائد يوطوط
عند أحواض الورد وإنت جالس لوحدك ...لو تنفجر قنبله عندك مادريت عنها...

ضحك بسام :لاوالله تكفي يدك..ماشاءالله...


فيصل بنظره خبيثه وبحماس:يعني صدق عاشق ...

:حلو حلو...

التفتوا خلفهم وشافوا عبدالله
اللي وقف قدامهم وقال بابتسامه فهمها بسام وبلكاعه:يعني إن شاءالله بتتزوج قريب
يالله شد حيلك وتزوج ما بقى غيرك..فيصل تزوج وأنــــــا تزووووجت...

شدد ع آخر كلمه ...وهو يرميه
بنظراته...

إبتسم بسام إبتسامة سخريه..
مانتبه لها فيصل اللي شاف شهد
تأشر له بحماس من بعيد وتناديه وشكلها مفجوعه...
قام وراح لها...

ناظر عبدلله ببسام باحتقار وإستهزاء وقال:عن إذنك يالعاشق...

قال بسام بابتسامه:طبعا عاشق وأحب ..واللي أحبها تحبني ماتحب غيري...

التفت عليه عبدالله وقرب منه
وبان عليه الحمق...لأنه فهم قصده...

لكن بسام مد يده لصدر عبدالله
يوقفه وصاروا متقابلين وهو يقول:إلزززم حدودك...

عبدالله بابتسامه هزل :بس صارت لغيررك...

شد ع قبضته بسام ورفع حاجبه
بابتسامه كان نفس عبدالله يمحيها وهو يقول: جسد بدون روح..قلبها وروحها عندي ولي أنا...

تركه ومشى بعيد عنه..وقلبه
يحتررق..هو نفسه مو متأكد من
اللي قاله بس حب يحرق قلب
عبدالله...

أما عبدالله كان يناظر فيه بحقد
وقهر وغضب...لما أصاب سهم
بسام هدفه...لماتذكر إن ريم
متجاهلته ومتجاهله مكالماته
وهذا دليل ع إن كلام بسام صحيح...

***************

راح لها مستغرب من شكلها
:خير شهد فيه شئ...

شهد اللي محلفتها أمها ماتروح
تقوله لأنها عارفه بنتها ماتمسك
لسانها وبتفجعه...قالت وهي تلهث ومبحلقه عيونها فيه:تولين...تولين كفختها رشا...

فيصل توسعت نظراتها بصدمه:شنووو....

شهد:والله..والله روح شوفها...

ركض فيصل ناحية قسم الحريم وشهد تلحقه...

شاف ريم وراح لها ركض:ريــــــم..

ريم تفاجأت لماشافته:فيصل

فيصل:شفيها تولين..

ريم تفاجأ لماشافت شكل أخوها وناظرت في شهد اللي
تمشي ببرائه ماكأنه سوت شئ
بعصبيه:أكيد هبلتك هالمجنونه..

فيصل بعصبيه:يعني صدق...إيش سوت رشا...

ريم ماتدري إيش تقول ...تلخبطت لما شافت شكل فيصل
:إهدأ شوي...و...

قالت شهد بلقافه ولعانه:أنا أقولك رشا الحماره ضربت تولين بقوه...و قالت أنك بنت ####

إلتفت فيصل بصدمه لشهد ...وشهقت ريم :شهد..

فيصل بدت أعصابه تثور...صرخ
في ريم:ال#### وينها...

ريم لحقت أخوها بخوف أول مره تشوفه هايج بهالشكل ..
وشهد لحقتهم...

*****

شافها واقفه معطيته ظهره وتحكي بجواله بكل فرح وإنتصار:تستا ا ا اهل ..برردت
حرتي فيها...أجل هذي كفو تاخذ فيصل مني وتمد يدها علي هاللي ماتسوى....

شهقت لما إنخطف الجوال من يدها وإنرمى بقوه ع الأرض وإيد قويه ع كتفها وصوت فيصل الهايج :إنتي اللي ماتسوي ظفر رجلها يال####

شهقت ريم لماشافت أخوها ماسك رشا..الظاهر إن غضبه نساه نفسه...

أما رشا إرتعبت لماشافت فيصل وبلعت لسانها من الخوف
وكتفها تحسه بينخلع...

فيصل بعصبيه:إنتــــي إنتــــي كفـــو تمدين يدك عليها...ومن
متى أنا لك علشان تاخذني
أنا متى طالعت فيك
إنتي حتى كيف تجرئتي وقارنتي نفسك فيها
إنتي حتى ظفرها ماتسوينه....

رماها ع الأرض بقووه:إسمعيني زيــــــن ..لسانك هذا
بقصه لك إذا طولتيه عليها ..إيدك بكسرها لك إذا تجرأتي مره ثانيه ومدتيها فاهمــــــه
وياللــــــه بــــــرى ..المزرعه
تتعــــــذرك..

رشا مصدومه..دموعها نزلت غصب عنها بذل قدام ريم..فيصل أرعبها وأهانها..خلاها ماتسوى شئ ..علشان تولين..
لهدرجــــــه يحبهــــــا..

ناظرت فيها ريم وقالت:هذا نتيجة اللي مايعرف مستواه و مكانه...

مشت راجعه..ولحقتها شهد اللي كانت ميته خوف لما عصبية فيصل ...وبنفس الوقت
تحس نفسها مبسوطه لأنها تككره رشا وإختها أم عصاقيل
ع قولتها...

****************

جالس ع الكرسي الخشبي وضام لميس لصدره اللي للآن
دموعها ما وقفت..

أحنى راسه يحاول يشوف وجهها وهو يقول:خلاص حبيبتي...يكفي دموع ...يعني أسحب كلامي علشان توققين
دموعك...

إبتسمت بين دموعها بلا ... وهو
إبتسم وهو يقول :وبعدين تراك
أعدمتي بلوزتي بدموعك...

رفعت راسها وابعدت وعيونها ع تي شيرته وهو ضمها وهو يضحك:أمزح معاك...أنا كلي لك

رفع راسه و ناظر في عيونها اللي ياما غرق في بحر سحرها
وأصابعه تمسح دموعها برقه
وهو يهمس لها بعشق:أنا لك
رعد ال... وكل اللي يملكه ..ملكك إنتي...

دقات قلبها زادت وهي تشوف
الحب لأول مره بوضوح في عيونــــــه ...

لمست خده وهي تقول:مابغى
غيرك..إنت بس..

مسك يدها الناعمه اللي ع خده
وإبتسم......

ماكانوا عارفين بالعيون الحاقده
اللي كانت تراقبهم...وتسمع كل
كلمه يقولها وتذبحها...

توسعت عيونها بصدمه لماشافت منظهرهم قدامها ودموعها نزلت ...وقلبها يحترق
قهر وحقد وغيره...

لفت راجعه وهي تبكي قهر
كل شئ سوته وخططت له فشــــــل وماجاب أي نتيجه غير
اللي شافتها...
خسرت قدام لميس ...خسرت
كل شئ..أصلا متى حصلت عليه
علشان تخسره...

***************

نزلت من ع الدرج بفستانها الروعه ..كانت قمه في الجمال
والدلع..كانت تناظر الكل بغرور
وتكبر...

هي عارفه إن الكل يحسدها ع
حظها ...
غنيــــــه وجميلــــــه وزوجة
دكتور كبير زي زياد...

كانت تشوف نظرات الغيره من البنات...بس هي كانت فرحتها
كبيره...

كانت مبسوطه من أسئلة البنات
عنها وعن علاقتها بزياد كيف...

أخذت جوالها ودقت عليه ..لكنه
ما رد عليها..حست بالقهر من
تطنيشه..وتجاهله..

غمضت عيونها لماحست بالألم
يهاجمها مره ثانيه...

تعالــــــت صرخات البنات لما
أغمــــــى عليهــــــا ...

****************

رمى جواله جنبه ..وعيونه ع
أمواج البحر ..

لها عين وجرأه بعد تدق عليه
...بعد ماحطمت حياته بارتباطها
فيه ...

آآه يالقهرر...كانت تولين حلمه
وصارت مرام واقعه...

تنهــــد بقـــوه ...وعيونه ع جواله اللي رجع يدق...
لو كانت مرام كان حذف الجوال
في البحر...

وقف بسرعه:شنو و و...

*****************

وقف والتفت لها:تولين وينها...

ريم:في غرفتها...روح شوفها
أنا خايفه عليها هي حتى مابكت
ولاتكلمت...

شد ع قبضة يده وهو يروح لغرفته...

دخل الغرفه وشافها جالسه ع
السرير ومنزله راسها وشعرها
الأسود الحرير متناثر حولين وجهها...

قرب منها..وجلس قبالها:تولين

مارفعت راسها ولا طالعت فيه..

رفع راسها وتعلقت عيونه بعيونها الدامعه ...

أول ماتعلقت عيونها بعيونه
آلمها قلبها لماتذكرت حكي رشا
إنه إنجبر عليها...وإنها ظلمته بزواجها منه...خصوصا إن اللحين
الكل صار يعرف بحقيقتها...

قالت بصوت مخنوق:فيصل...إنت
مجبور علي صح....

فيصل إنصدم:مين قالك هالحكي ...رشا؟؟....أنا فيصل
ياتولين..ماحد يجبرني ع شئ
خصوصا حياتي...وأنا حياتي إخترتها معاك...

شهقت وهي تقول :بس أنا ماستاهلك...أنت عارف أنا بنت
مين...

قطع حكيها وهويحضن يدها بايده ويشد عليها:إنتي بنت سامي ال....وماحد يقدر ينكر هالشئ....

نزلت دمعتها وهي تقول:هو أنكرني ...وتبرى مني...

فيصل إنعصر قلبه ع حالها وتمنى يذبح أبوها..:حتى لو أنكرك...إنتي بنته وهوعارف هالشئ...لكنه مايبغى الناس تعرف إنه كان متزوج بالسر من
وحده أقل منه...لكن إنت بنته
إنتي بنت سامي ال...وأنا راح أثبت لك هالشئ ..

رفعت عيونها الدامعه وهي تقول:كيف بتقدر..إذا أبوي متبري مني ومايبغاني...

لفت وجهها لمانزلت دموعها...

فيصل:تولين....

قطع حكيه وتوسعت عيونه بصدمه لما شاف الجروح اللي
في رقبتها:هذا إيــــش...

تألمت لمالمسها وهي تبعد يده..
للحين تحس بحرارتها...

كان يناظر فيها مصدوم:من وين
لا يكون رشا...

ماردت عليه لأن دموعها خانتها..

فيصل إشتعل قلبه غضب ..ماكان متوقع إن رشا سوت فيها
كذا..مسك أعصابه لايقوم يذبحها...

مسح دموعها وعيونه تتأمل عيونهاوهو يقول:ماعاش من يده عليك وأنا حي...

قرب منها وباس مكان جروحها..هي إنتفضت وهي تناظر فيه ..
إبتسم وضمها له....

نزلت دموعها ..إحساس الحب والأمان اللي عطاها إياه فيصل
كان أكبر منها...الحب والحنان و
الأمان اللي كانت مفتقدتها من
أبوها والناس حولها لقتها في
فيصل...

************

دخلت الغرفه وشافت إختها
تبكي...وأمها عندها وشكلها
معصصبه...
ماكان لها خلق شئ كفايه اللي
فيها..

قالت أمها معصبه:دلال دقي ع أخوك ياخذنا للبيت..مالنا جلسه هنا..

دلال:داقه عليه قبل لاتقولين
ومايرد علي..

رشا ببكا أخذت جوالها:أنا بدق عليه مستحيل أجلس هنا دقيقه
وحده..

عرفت دلال إن أكيد صار لها
شئ مع فيصل..

رشا:ألو...

جالها صوت أخوها الثقيل:نـععم...خـ خير..

عرفت إن أخوها في حالته ..
إنهبلت لايكون مسويها وشارب في المزرعه..

قامت وطلعت برى علشان أمها
ماتحس:إنت مجنووون...لايكون
إنت في المزرعه...

كان صوته مرره ثقيل وشكله
رايح فيها وموفاهمه منه كلمه
غير ريم...
عرفت إنه يهلوس في ريم ويمكن يحسبها هي...

فجأه جت في بالها فكره شيطانيه..تنتقم فيها من ريم ومن فيصل بالذات...

حاولت تعرف منه وين موجود..
وسكرت منه باصرار...

وفكرت كيف تخلي ريم تروح لأخوها برجليها....

**********

طالع في الدكتور بصــــدمه
:إيــــــــدز....إنت متأكده..

الدكتور:للأسف أيوه..عملنا لها
الكشف والتحاليل أكثر من مره
والنتيجه نفسها...والأعراض تثبت
إنها مصابه بالإيــــدز...

التفت لماشاف عمه جاي لهم
يركض...

كيف بيقدر يقوله...بنتك مصابه
بالإيــــدز....
كان يحس راسه يدور وبينفجر
مو عارف كيف يقوله...

************

كانت تمشي بسررعه خايفه
ناحية الغرف البعيده...
لماقالت لها الخدامه إن لميس
تنتظرها هناك...
وكان عندها سديم اللي قالت
لها اللي صار مع رعد...
خلت سديم تجلس في حال جا رعد وتقولها مكانهم وهي راحت تشوف لميس...كانت خايفه صار لهاشئ...

دخلت داخل غرفه تنادي لميس
ماشافتها ..طلعت ودخلت غرفه
ثانيه...

شهقت بصدمه لما شافت اللي
قدامها...

**********

دخلت عليهم مبسوطه:بنا ا ا ا ات
أموله بترجع بكرره...

لمياء:والله...

ساره:يب توها مكلمتني وتسلم
عليكم...

البنات إنبسطووا مرره لأنهم
فاقدينها...

التفتت لمياء لسديم اللي مومعاهم ومعاها جوالها:سدو و و و وم...

إنتبهت لهم:هلا...

لمياء:شفيك جالسه بعيد ومو
مع الناس..

سديم إبتسمت:لا معاكم بس...

قطعت حكيها لماشافت لميس
داخله...

راحت لها بسرعه:لميـــس

وضمتها :ويــــنك خوفتينا عليك

لميس إبتسمت ابتسامه حلوه:كنت مع رعد...

سديم لماشافت إبتسامة لميس
إرتاحت وقالت:وين ريم..

لميس باستغراب:ريــم...

*********

إستغرب لما ماشاف الشباب
موجودين...

ويــــن راحــــوا....

شاف رائد جاي...وراح له:رائد
وين الشباب مافيه أحد موجود...

رائد ضحك:أبد طال عمرك ...نزلت عليهم حب الفروسيه فجأه
وهجموا ع الإسطبلات...أشوئ إن الحصانات ما هجن ...

ضحك وهو يقول:وإنت ليه مارحت معاها وإلا ماجاك الدور

رائد:أنا أولهم..بس جاي أخذ جوالي ...إسبقني وأنا جاي وراك

في طريقه للإسطبلات شاف بسام يمشي من بعيد وناداه:بســــام...

إلتفت بسام :هلا فيصل..زين إنك جيت أحس إني ضيعت...

ضحك فيصل وهو يضرب كتف
بسام:بعذرك وإنت سرحان أربع وعشرين ساعه...

بسام ضحك ...ومشوا ساكتين...

فيصل حسه الوقت المناسب يسأل بسام عن اللي فيه..

التفت عليه:بسام...

بسام بابتسامه:هلا...

التفتوا فجأه لما سمعوا صوت
صرخات ريم...

فيصل:هذا صوت ريم....

إنقبض قلبه بسام وراح يركض
مع فيصل باتجاه الصوت...

****

دفته بعيد عنها ..وفتحت الباب برعب بتطلع ...لكنه مسكها يدها وسحبها...وهو تصارخ وتضربه علشان يفكها.:إتركنــــــــي....إتركنــــي...آآآه
إبعــــد عنــــي...بســــا ا ا ام..

صفعها كف لما إنطقت باسمه
من غير وعي ...صرخ عليها:بسا ا ا ام ..تنطقي إسمه قدامي...
حبيبــــك ال#####
اللي سافهتني علشانه...علشا ا انك تحبيــــه....
كان يصا ا ا ارخ عليها من غير وعي ..وعقله مو معاه...

ماحس إلا باللي هجم عليه ...وظهره إصطدم في الجدار ...
كان يشوف فيصل قدامه لكن مو بوضوح:أيا الحقيــــر...

بسام ماقدر يمسك نفسه..النار إشتعلت جوا قلبه..لماشاف عبدالله قريب من حبيته وهجم ع عبدالله وإنهال عليه ضرب مع فيصل...

لميس وسديم اللي كانوا رايحين
لريم ..سمعوا أصواتهم...
وركضوا ناحيتهم...
إنصدموا لماشافوا ريم منهاره تبكي وفيصل وبسام يضربون عبدالله...

ضموا ريم يهدونها...وطلعوها برى...

سديم ركضت لرائد لماشافته
يمشي بعيد:را ا ا ا ا ائــــــــد

رائد إستغرب وتفاجأ لماشاف وحده جايه له وتناديه..

عرفها من صوتها وقرب منها:سديــــم...

سديم كانت بتمسك يده وهي
تقول بسرعه:فـ...فيصل وبسام بيذبحون عبدالله....بسررعه..

ركض للغرفه اللي تأشر عليها
ودخل..إنصدم لماشاف فيصل
وبسام منقضين ع عبدالله اللي
مو قادر يتحرك ...

أبعد فيصل بقوه عن عبدالله:إهدى فيصــــل خلا ا ا ا اص...

ماقدر يبعد بسام اللي يفلت منه
مطلع حرته كلها في عبدالله
ماسكه من بلوزته ورافعه ملصقه في الجدار:يالنذل يالخسيس....

يالله قدر يبعده بمساعدة فيصل اللي أذهله شكل بسام...
وأثار غرابته..

*************
أبو رعد إنصدم من اللي سوا اه عبدالله....
سكران في مزرعته ومحاول يعتدي ع بنته وضاربها....

أما رعد جن جنونه وحلف إن يطلقها منه وماتجلس في ذمته دقيقه وحده...وطلب الشرطه
حالف مايخلي عبدالله إلا مسجون ...كان بيذبحه لو أبوه
ماحلف عليه مايقرب منه مايبغى ياخذ دم هالخسيس في
رقبته...

ريم كانت محبوسه في غرفتها
تبكي وتقول إنها ماتبغاه وتبغاه
يطلقها والبنات يحاولون يهدونها..

***

سند راسه ع ساق النخله للحين يحس بنار تشتعل في قلبه من اللي سواه عبدالله في
إخته...

يحس بالذنب باللي صار لها
لأنه ماوقف زواجها منه من البدايه ..ماقدر يسوي لهاشئ لما
إستنجدت فيه..

يحس ماله وجه يشوفها ...
أكيد اللحين منهاره وزين ماصار
فيها شئ...

حس بيد دافيه ع كتفه والتفت
خلفه..وشاف حبيبته تطالع فيه
بقلق:رعد...

كأنها حاسه باللي حاس فيه و
يدور في راسه ..:إنت مالك ذنب
في اللي صار...لا تحمل نفسك
خطأهم..

سند ظهره وهو يمسك يدها ويقول بقهر :كيف ماألوم نفسي وكان المفروض إني أمنع إرتباطها فيه ..وأنا كنت عارف إنه مايستاهلها..

شدت ع يده وهي تقول:خلاص حبيبي صار اللي صار..والحمدلله إنه ظهر ع حقيقته قبل يتم زواجهم وياخذها ع بيته..فكر فيها من هالجهه
وبتلاقي إن اللي صار نعمه من
الله علشان أهلك يعرفون حقيقته...

ابتسم وسط ضيقه وهو يبعد
خصله من شعرها طيرها الهوا
عن وجهها ..بعدت يده باحراج
لماشافت أمه جايه ..

أم رعد:رعد...إيش صار ع عبدالله..

رعد بقهر:طبعا الشرطه تكفلت فيه..ولو بيدي ذبحته...قلتلك يمه
أكثر من مره إنه مايناسبها بس
إنتي غصب مشيتي رايك..وهذي
نتيجته...

لميس شافت أم رعد تضايقت
والندم بان ع وجهها وهمست:رعد...

تنهد وأصابعه تتخلل شعره :وينها ريم...

لميس :بغرفتي...

مشى ناحية غرفتهم ولحقته لميس علشان تخبر البنات يطلعون من الغرفه لأن رعد بيشوف ريم....

دخل الغرفه بعد ما طلعوا البنات
وشاف ريم تبكي ..ضمها يهديها
وهي تقول وسط بكاها:رعد
الله يخليك أبيه يطلقني...

قال وهو يمسح ع شعرها:بيطلقك ياريم وغصب عنه..بس
إنتي إهدي ..والله مايستاهل دمعه من دموعك يالله الغاليه
وراح يدفع ثمنها...

إنسحبت لميس من عندهم وراحت للبنات وفي طريقها شافت رنا جايه..

رنا:ريم نامت..

لميس:لا عندها رعد..

رنا:بروح أشوفها..

تعدتها للغرفه..ولميس تطالع فيها...بعداللي صار بينهم تحسنت
علاقتها معاها...

كانوا البنات جالسين
ويتكلمون في اللي صار
وجلست معاهم ...

واستغربت لماماشافت دلال أو
رشا بالعاده مايهمهم أي شئ

جتهم تولين بعد ماكانت عند فيصل وقالت بحيره وهي تناظر في سميه:إيش فيها..

إنتبهوا لنظرات سميه المبحلقه
في جهة غرفة أم عبدالله بشر

ضحكوا ع شكلها...وإنتبهت لهم
وهي تقول بغيظ :نفسي أدخل
عليهم برشاش ...

ضحكوا البنات ع شكلها وهم
يحسون براحه لأن ريم راح تتخلص من عبدالله وترتاح...

*******

أم عبدالله إنهارت لماعرفت إن
ولدها إنسجن ...

وراحت لأختها أم رعد تترجاها يطلعونه..

لكن أم رعد رفضت وقالت إن
ولدها يستاهل اللي هو فيه...

أم عبدالله إشتعل قلبها ع ولدها
وقهر من إختها اللي رفضت تساعدها...

دخلت الغرفه وقالت لبناتها يتجهزوا لأنهم بيرجعوا للبيت مالهم جلسه هنا طبعا...

طلعوا من الغرفه وكل وحده معها شنطتها ..

سكتوا البنات لماشافوهم...

أم عبدالله ماعطتهم وجه ولحقتها رشا بعد مارمت تولين
بنظرات قهر وحقد ...

لميس رفعت عيونها لماحست
بنظرات تخترقها واصطدمت
بنظرات دلال الحاده...
بادلتها بنظرات بارده..مع إنها حست بخوف من نظرتها اللي كلها حقد وشر...

بس بعدين ذكرت نفسها ليه تخاف...رعد خلاص لها وماراح
تقدر تاخذه منها ...
إبتسمت وقلبها يخفق لما رن همس صوته في راسها بكلمة "أحبك"

طبعا إبتسامتها حرقت دلال وخلتها تمشي وهي تسمع همس سميه اللي قالت:روحه بلا رده...

سديم:إستغفر الله ماعليكم منهم...

**************

دخلت البيت تبكي وهي تدق ع
زوجها تخبره..يرجع من السفر
ويشوف لهم حل...

بس تفاجأت لماشافته قدامها
والغضب واضح ع ملامح وجهه
كانت بتتكلم بس إنصدمت لما
شافته يسحب دلال من شعرها:وصلتي يال#### ..فضحتينا الله
ياخذك...

أم عبدالله تحاول تفك بنتها من يده وهي مو قادره تفهم شئ
:إتركها إنت شفيك...ولدك في السجن وإنت قاعد تضرب البنت..

أبو عبدالله :بنتك فضحتنا بين الناس ..هذي آخر الدلع سودت وجهي بين الناس...سودتوا وجهي الله ياخذكم..

دلال كانت تصارخ وتحاول تفك
نفسها من إيدين أبوها وهي
موفاهمه شئ...

وأم عبدالله تحاول تفكه وهي
تصرخ يتركها...أمارشا واقفه مصدومه ماتحركت من مكانها

سحبت دلال لحضنها اللي كانت تبكي وتتألم:شفيك...شصاير..

رمى في وجيههم ظرف وتناثرت
بينهم الصاعقه اللي جمدتهم...
وعيونهم مثبته بصدمه ع الصور
اللي فيها دلال مع اللي تعرفهم
من الشباب بأوضاع مخزيه ...

شهقت أم عبدالله..ورشا ودلال
كانت مصدومه ومومصدقه اللي
قدامها...

سحبها أبوها من شعرها بكل
قوته وكل غضب ورماها بغرفتها بعد ما صفعها عده صفعات ع وجهها وهو يسبها..
وقفل عليها باب الغرفه وهو يقول بحده وغضب:أنا أعرف كيف أتخلص من هال####

طلع من البيت زي البرق...تلته
صرخة رشا لماشافت أمها تهوي
ع الأرض...

***********
بعد مارجعوا لبيوتهم...
أمل رجعت وإنصدمت من اللي
سمعته من البنات...ماكانت متوقعه يصير هذا كله في ريم
وقررت تروح لها...

ريم إخيرا تطلقت من عبدالله
وإرتاحت كثير..لما بعدت عنه

اليوم البنات كانوا مجتمعين عندها..
خلوها تطلع من غرفتها وجلسوا
في الحديقه علشان تغير جو...

سميه بحماس:بناا ا ا ات ماقلت
لكم

لمياء:خيــــر....

سميه بحماس:بصيــــر عممه..

البنات كلهم التفتوا ع داليا :والله

داليا إبتسمت باحراج...وتعالت
صرخات البنات....

جت لهم تولين:شفيكم...

قامت أمل وسلمت عليها...تولين
تفاجأت لماشافتها...
مانست إنها كانت حبيبة فيصل..
وهذا كان يحسسها بالغيره...
حتى لماتذكر نفسها إن فيصل
لها هي وأمل متزوجه...

أما أمل فحياتها تغيرت لماحبت
طلال ...طلال قدر يخليها تحبه
وتنسى فيصل..وتحبه هو...صحيح ينشغل عنها في شغله
لكنها تحاول تأقلم نفسها ع هالشئ...

طلعت جوالها من جيب بنطلونها
وردت:هلا فيصل..

إستغربت لماقال لها تجي له
في جناحهم...لأنه المفروض يكون في الشركه..إيش جابه...

إستأذنت من البنات وراحت له..

دخلت جناحهم وشافته واقف عند حوض الأسماك اللي بطول الجدار...

قرب منها لماشافها واقفه تناظر
فيه بترقب ..إبتسم وهو يقول:شفيك تطالعيني كذا...

إبتسمت وتبعد يده عن وجهها:
إنت شفيك..أول مره تجي من
الشركه اللحين..

فيصل:مارحت اليوم للشركه..

طلع ورقه من جيبه وعطاها إياها:رحت أجيب هذي...

إستغربت وهي تناظر فيه بحيره ..ولماشافته يطالع فيها مبتسم فتحتها...

تجمدت إيديها توسعت عيونها بصدمه لماقرأت
اللي فيها...تجمدت دموعها في عيونها وقلبها يخفق بشده...

رفعت عيونها الدامعه وهي تقول بصوت مخنوقه حروفه:كـ...كيف ...

مسكها يدها وجلسها ع الكنب جنبه وهو يقول:قلتلك بجيبها
وبأقطع لسان اللي يمسك بكلمه

ناظرت فيه وهي تقول :بس بس كيف قدرت...أبوي مستحيل
يـعطيك إياها....

فيصل تردد ثم قال:أخذتها من أمك...

ناظرت فيه بصدمه:أمي...

نزلت نظراتها للورقه وبعد دقايق همست
:ماتبغى تشوفني صح...

فيصل وإيده ع شعرها:هي الخسرانه...

مسحت دمعتها اللي نزلت وهي
تتنفس بقوه وواضح إنها تحاول تمنع دموعها من النزول وهي تناظر في
الورقه...أخيــــرا ثبتت نسبها
أخيرا إرتاحت ..وتقدر ترفع راسها بين الناس بثقه...
آلمها إن أمها مارضت تشوفها..
لكنها اللحين مو محتاجتها ..
مو محتاجه لا لأبوها أو أمها..
هي عندها فيصــــل ...
فيصــــل وبس...وماتبغى غيره

رفعت راسها تناظر فيه...مافيه
كلمه في الدنيا ممكن تعبر له
عن اللي داخلها...حبها..شكرها لك شئ سواه لها وعلشانها...
فيصل عوضها عن كل شئ...

خانتها دموعها بهمس :فـ فيصل...

ضمها له وكل شئ وصل له من
عيونها...حاس بكل شئ تحس
فيه...كان يسمع شهقاتها وصوت
بكاها اللي تزيد...قوة قبضتها ع
بلوزته حسسته بقدر ألمها وضعفها مشاعرها المختلطه..

كان نفسها يسحب أمها سحب
ويغصبها تشوفها....لكنه مسك
نفسه...للحين مصدوم من نظراتها الغير مباليه والبارده ولا
كأنه قاعد يتكلم عن بنتها...

مومعقول في أمهات مثلها...

زاد في إحتضانها وهو يمسح ع
شعرها...ويوعدها داخله إنه راح
يعوضها عن كل شئ..ويكون لها
الأب والأم والحبيب...

***************

أبو مرام دخل للمستشفى من
أثر الصدمه اللي جته في بنته..

مومصدق إن بنت مصابه بالإيدز
وبطريقه نزلت راسه في التراب...ومع مين مع ولد إخته
اللي مخليه يسرح ويمرح في البيت من غير إهتمام....

وهذي النتيجه...سلمه بنته بنفسه

مرام صابها إنهيار لماعرفت بمرضها...مو مصدقه إنها تحمل
هالمرض الخبيث...
كانت تنام ع مهدئات لين تدهورت حالتها...خصوصا بعدما
تبرى منها أبوها بعد ماخرج من
المستشفى وأعلن للناس إنها
توفت...ونقل كل أملاكه للخارج
وعاش هناك...

زياد طلقها لكنه ماتخلى عنها بطيبة قلبه كان يزورها ويتطمن
ع حالتها...

تولين عرفت باللي صار صحيح
تأثرت باللي صار في مرام
لكنها مافكرت تروح لها...العذاب
اللي شافته منها ماخلاها تقدم
ع هالخطوه....

***************

كان جالس في الحديقه...وصوت صرختها باسمه تتردد في راسه ...

للحين مومصدق إنه سمعها
تنطق إسمه...كانت تناديــــه
تستنجد فيــــه....معقوله كانت
لاتزال تحبــــه...لكن الموقف مو قادر ينساه....

تنهــــد بضيق...مو عارف كيف
يفكر...

حس بأحد جلس جنبه وشاف البندري...

كانوا ساكتين وفجأه قالت البندري:ريم تطلقت...

شافته التفت بصدمه يناظر فيها
ثم رجعت ملامحه تضيق وهو
يرجع يناظر في المسبح...

تنهدت وهي تقول:تدري إن هذي مو أول مره يسويها عبدالله...

التفت عليها بصدمه:شنو...

ماناظرت فيه وهي تقول :سواها قبل يخطبها وتجبرها أمها إنها تتزوجه...لكنه الحمدلله
ماقدر عليها...

بسام :إنتي إيش قاعده تقولين

التفتت تطالع فيه:ريم تحبك يابسام...وإنت تحبها وكنت بتخطبها لولا الموقف اللي شفته
وكنت تظن إنها خانت حبك...
ريم ماكان لها ذنب كان هذا من
تدبيره هو وخواته....
لاتضيعها من يدك مثل ماكنت بتضيعها...

قامت لكن بسام مسكها وهو
يحس نفسه مو فاهم شئ مو
قادر يستوعب اللي قالته...كيف عرفت باللي صار..:بندري إنتي من صدقك ...

إبتسمت وهي تقول:أنا سمعت من وحده من البنات ..وعرفت
إن هذا سبب جفاك لأنه في اليوم اللي رجعت فيه منقلب حالك وعرفت السبب...لاتضيعها
من يدك بسام...

راحت تاركته في دوامة صدمته
مو مصدق إن ريم بريئــــه وهو
ظلمهــــا وكان بيضيعها من يده
...
*************

هدى حست بفرحه وراحه بعد مانفذت تهديدها وإنتقامها
من دلال بعد مانشرت صورها مع نايف الشخص اللي إستخدمته في خطتها ضد لميس
والشباب غيره بمساعدة نايف
اللي حب ينتقم منها...

خصوصا لماسمعت إن أبو دلال
ملكها بالغصب ع واحد أكبر منه
بكثير وصارت زوجته الرابعه...

كان يبغى يتخلص من فضيحتها
بأي طريقه...

صحيح هي...خسرت كل شئ...
خسرت حياتها ومستقبلها..
وأمها اللي إنهارت لماعرفت إن
بنتها حامل...
حبستها في غرفتها ..وكل يوم
كانت تموت فيه أكثر من مره
خوفا من خوالها وأعمامها اللي أكيد ماراح يتركوها عايشه إذا عرفوا...
حياتها إنهدمت ..وندمت ع كل شئ سوته...وخصوصا في لميس ... شوهت سمعتها وحاولت تخرب حياتها وكل هذا إنقلب لها....وصار فيها...وهذي نتيجة اللي يمشي في طريقها.....

عرفت
إن هذي حوبة لميس فيها وفي
أمها بعد اللي سووه فيها..شوهوا سمعتها
وسمعة أمها وإتهموها وأمها بالباطل وإنعكس عليهم...
*****

بعد مادخلت للبيت نزلت عبايتها
وقالت وهي تطالع فيه وهو طالع من مكتبه وفي يده ملفات
: بتطلع...

طلال:أيوه لازم أرجع للشركه
عندي إجتماع..

شاف الضيق في ملامحها وهي
تجلس...

وطلع..

كانت مقهوره ومتضايقه كان نفسها تجلس معاه..
طول الوقت منشغل عنها بشغله ياما في الشركه أو في مكتبه...بدت تمل من هالوضع

إستغربت لماشافته داخل وقالت:نسيت شئ..

طلال:أيوه...

قامت وهي تقول:إيش هو..

ناظر فيها وقال:إنتي..

ناظرت فيه بحيره:أنا..

طلال:أيوه..يالله لبسي عباتك
وتعالي..

أمل باستنكار:ع الشركه..

ضحك ع ملامحها المتفاجئه وقال:لا عازمك ع العشا ..

لماشافها تناظر فيه قرب منها و
قال بحنيه وإيده تتخل شعرها اللي منسدل ع أكتافها:أنا عارف
إني مقصر معاك وشغلي ماخذ
كل وقتي...وعارف إنك مليتي
من الوضع..وأناعاذرك مافيه
وحده ترضى وتتحمل إن زوجها
يكون منشغل هنا طول الوقت..
بس أنا أوعدك إني أحاول قد
ما أقدر إني أوفق بين البيت والشغل...

حمر وجهها خجل وخفقات قلبها
زادت لما باس جبينها وحضنها..

فتحت عيونها ع إتساعها لما همس بحب:أحبـــــك...

هي يتهيأ لها ولا صدق...
يحبـــــها..
ماكانت متخيله إنه بيصرح لها
بحبه وخصوصا في هالوقت..
حست نفسها تحترق وبتمووت خجل ..

بعدت عنها وهي تقول بارتباك و
خجل :بروح ألبس عباتي..

إنصدم لماشاف وجهها الأحمرر
وعرف إنها منحاشه بسبب خجلها...ضحك..وهو يتحرك بيطلع ينتظرها برى..وزاد ضحكه
لماشاف عبايتها ع الكنبه..
نست إنها تاركتها هنا...





توقيع : محمد نور العسلي





الإثنين يوليو 01, 2013 5:03 am
المشاركة رقم:
المعلومات
الكاتب:
اللقب:
المدير
الرتبه:
المدير
الصورة الرمزية


البيانات
عدد المساهمات : 997
السٌّمعَة : 1
تاريخ التسجيل : 14/02/2013
الإتصالات
الحالة:
وسائل الإتصال:
معاينة صفحة البيانات الشخصي للعضو http://hms-alqlop.ahlamontada.com


مُساهمةموضوع: رد: رواية قتلني واصبح معشوقي كاملة روعة بل اكثر من روعة



رواية قتلني واصبح معشوقي كاملة روعة بل اكثر من روعة


بسم الله الرحمن الرحيم
لمشاهدة النهاية ضع رد بتوقعاتك لما سيحدث:
 





توقيع : محمد نور العسلي





صفحات الموضوعانتقل الى الصفحة : الصفحة السابقة  1, 2, 3


الإشارات المرجعية
التعليق على الموضوع بواسطة الفيس بوك
الــرد الســـريـع
..


الذين يشاهدون محتوى الموضوع الآن : 20 ( الأعضاء 3 والزوار 17)



تعليمات المشاركة
صلاحيات هذا المنتدى:
لاتستطيع الرد على المواضيع في هذا المنتدى

BB code is متاحة
كود [IMG] متاحة
كود HTML معطلة


يحتوي على مشاركات جديدة  منتدى يحتوي على مشاركات جديدة
لا يحتوي على مشاركات جديدة  منتدى لا يحتوي على مشاركات جديدة
منتدى مغلق  منتدى مغلق عن المشاركات