:: TRAIDNT FORUM :: - Powered by vBulletin



منتديات همس القلوب


 
الرئيسيةالرئيسية  التسجيلالتسجيل  دخولدخول  

منتديات همس القلوب :: منتديات الجوال :: توبيكات همس القلوب

شاطر
السبت يوليو 13, 2013 1:45 am
المشاركة رقم:
المعلومات
الكاتب:
اللقب:
$المشرف المميز$
الرتبه:
$المشرف المميز$
الصورة الرمزية


البيانات
عدد المساهمات : 605
السٌّمعَة : 0
تاريخ التسجيل : 14/02/2013
الإتصالات
الحالة:
وسائل الإتصال:
معاينة صفحة البيانات الشخصي للعضو


مُساهمةموضوع: روآيہ و عن هوى غيرك ترى وآضح عمآي ♥...........جديد 2014



روآيہ و عن هوى غيرك ترى وآضح عمآي ♥...........جديد 2014


بسم الله الرحمن الرحيم حصريا على منتديات:همس القلوب
انا قررت اكتب روايه من كثر حبي للرآويات وآن شاءلله تعجبكم , وهذي آول روآيه لي قررت آنزلها . .
.
.
.
في ارقى احياء الرياض وفي بيت من البيوت او بأختصار قصر كبير ومعروف ان اهل القصر عايشين في خير ..
,
,
,
صحت على صوت المنبه وكانت تستعد تروح المدرسة وكان اخر اسبوع وبعدين بتبدأ الاختبارات في ثالث ثآنوي , خذت لهأ شور وطلعت بحمـآس ,
لبست آللبس المدرسي .. ورفعت شعرهآ العسلي الطويل الي يوصل اخر ظهرها , وحطت لها كحل وقلوس شفاف على شفايفها الورديه , وطلعت كيوت ولبست الجوتي الرياضي , ونزلت تحت ,
.
.
.
ديم : صبآح آلخير ي أحلى آم ف الكون ..
آم ديم (وفآء): صبأح النور , اقعدي كلي لك تمرتين وحليب وروحي مع السواق ..
ديم رأحت واخذت تمره عآلسريع وشربت حليب وخذت كتابها وشنطتها وطلعت ودعمت ب جسم قوي ,
ديم : و وجع ان شاءلله!
نوآف : يوجعك يالمطفوقه ..
ديم شهقت : آذا اانا مطفوقه وش تصير انت , يلا يلا وخر من طريقي
نوآف : ماني موخر وش بتسوين ؟
ديم عصبت : بتوخر ولا آدخل آصحي أبوي
نوأف ضحك ووخر ,
ديم : محد يقدر لك آلا آبوي
نوآف : بتروحين ولا شلون ؟
ديم : بآي ,,
.
.
.
في آلمدرسه ,.
كانت تنتظر ميس بنت عمها , وصديقتها وتوأمتها وأقرب لها من وريدها ..
شآفتها وركضت عندها وضمتها ..
ميس : ي حبيبي انتي اشتقتلك وما كأني آمس شآيفتك ..
ديم : ههههه وانا اكثر اصلا توحشيني في كل دقيقه ..

كملوآ سوآلفهم ..

ديم : 18 سنه آخر سنه ثأنويه , شعرها عسلي لين اخر ظهرهآ ناعم , عيونها كبيره مرمشه عسليه وفيهأ من آللون آلاخضر شوي , برونزيه لونها اجمل شي فيها , جسمهآ مرسوم رسم , شفايفها ورديه , لا طويله ولا قصيره متوسطه وطولها حلو ,
ميس : 18 سنه اخر سنـة ثأنويـه , شعرها اسود سوآد آلليل مقصص لين نص ظهرهأ , عيونها كبيره مرمشه ورمآديه , بيضآ وفيها غمازة في خدهآ آلايمن , هي وديم نفس الطول ..

جدتهم نوره , وجدهم نآصر كانوآ عيونهم ملونه عشآن كذأ الحفيدآت عيونهم ملونه .. ونتعرف على باقي الشخصيآت بعدين ..

.
.
.
في ألجامعه : عند نوآف ..
تخصص أداره اعمآل ,
في كفتيريآ الجامعه :
نوآف ومعه عبدآلعزيز ولد عمه آخو ميس , ومعاهم خويهم سلطآن قريب منهم كثير ..
نوآف : ها شبآب اليوم السهره في المقهى كالعاده ..
عبدآلعزيز : ولله آنا تعبان برجع البيت بخمد واذا صحيت جيتكم آذآ مو آكيد ..
نوآف : تكفى تعال ياخي نباها تكمل السهره
سلطآن : بس يتغلى عليك , بتدخل المقهى بتلقاه قدام وجهك وآذا ماجا انا بجي بسحبه سحب من بيتهم ..
عبدآلعزيز : تعال تعال يالمطفوق بمسكك بالعقال وبمردغك ..
نوآف : ولله شكلي انا الي بجيك بالعقال , بتجي ورجلك فوق رآسك .
عبدآلعزيز يضحك : هههه خلاص جاي أكلتوني
,
,
,
انتهاء الدوام , في المدرسة ,
ميس : يالله وينه ذا السواق وربي يباله كف يسنعه يجي بدري ..
ديم وهي تلبس عبايتها وتلف الطرحه : اذا ماجا لك باخذك معي ترى ..
ميس : لا مافيني على هواش امي ومحاظراتها ..
ديم : وشو تبيني اخليك مع الفراشات لا ياعيني..
ميس : خلاص جايه معك بس انتي تفاهمي مع الوالده ..
ديم : طيب يلا أمشي قدآمي ..
خذت شنطتها وطلعت للسواق برع ..
ديم : باخذك بيتنا اول بليز ميس انا راح اكلم عمتي ماعليك ..
ميس : قلتلك انتي تفاهمي معها ..
وربع سآعه آلآ وهم وآصلين القصر .. 
ديم : طيب امشي معي يلا ندخل !
ميس : يلا ..
دخلوآ الثنتين وسلمت ميس على وفآء ..
آم نوآف : شخبآرك حبيبتي ميس شخبار امك والاهل ؟
ميس : كلهم بخير شخبارك عمتي ؟
ام نوآف : آلحمدالله بخير , روحي مع ديم , وانا راح ارسل الخدامه تجيب لكم عصير ..
ميس : آنشاءلله ..
ورقت فوق هي وديم ..
دخلوآ الغرفه آلي كانت كبيره وفخمه كانت آلوانها تفتح آلنفس ذهبي الممزوج بالموف
ومع الحمام آلكبير آلذهبي ..
والفرآش مع آلوسآدات الذهبي الي تلمع مع الموف ..
رمت نفسها عالسرير بكل قوه ..
تنهدت ديم : اااااااه تعب ..
ميس : آيه هانت ما بقى الا ذا الاسبوع ..
ودخلت ميس في دوآمه من آلافكار .. وماحست الا وهي تشوف ديم غارقه في النوم بملابس المدرسة ..
ميس بعصبيه : يالمطفوقه ي ديم قومي ي جعلك المانيب قايله , تخليني وانا ضيفه صدق انك ماتعلمتي السنع !
وديم ولاهي حاسه فيها ..
خذت عبايتها ودقت عالسواق يجيها ..
نزلت تحت معصبه وهي بطريقها صدمت بجسم عريض وقوي .. تجمدت عروقها ماتبي تطالع الي قدامها ..
نوآف : خير ان شاءلله ..
ميس وهي متجمده : اسفه م كنت آ آ آشوف !
نوآف ضحك : طيب مآني بمآكلك ليش خأيفه ؟
ميس عصبت : ماني خايفه ولو سمحت وخر من طريقي ..
نوآف : طيب هدي وشفيك مطنقره ؟
ميس : آبد مافيني شي وآلحين ممكن تخليني آروح ؟
نوآف : طيب ي بنت عمي تفضلي "وضحك"
ميس راحت من طريقه .. " م تدري يآ نواف انا الي عاشقتك وياليتك تعرف الي بدآخلي وشعوري تجاهك كآن عرفت وش سبب خوفي وارتباكي من اشوفك "
ميس تحب نواف من كان عمرها 13 سنه , وكانت طفولتهم مع بعض اجمل الذكريآت الي للحين في ذآكره نوآف وميس , 5 سنوآت وهي تزدآد عشق لنوآف .. بس للآسف ماتدري وش شعوره تجاهها ..
,
,
,
مر آسبوع آلاختبآرات على خير وبدت آلآجازه ..
عالغدآ في بيت آبو نوآف ..
أهم شي الجد : ناصر العمر غير مصرح به تعدى العداد ههههه عصبي على حنون , الجده : نوره العمر غير مصرح , شديده , وتحب احفآدهـآ .. 
طبعآ آبو نوآف (سلمان) : عمره 45 يحب عياله ويشتغل بالشركه الكبيره الي هي ملك للجد طيب ويحب كل الي حوآليه , ومايرضى بالغلط ..
أم نوآف : وفآء عمرها 42 طيبه كثير واهم شي عندها بيتها وعيالها ..
نوآف : عمره 23 في ثاني جآمعه تخصص آداره اعمآل, وسيم ولاهو آبيض ولا هو آسمر , عنده غمآزتين , طويل وجسمه ريآضي , كل سهراته برع البيت مع عبدآلعزيز وسلطآن وباقي شلتهم ..
وبعده ديم ..
بعد ديم بندر : عمره 16سنه , حبوب ومرح , كل حيآته ضحك ب ضحك , عنده خويه متعب ولد عمه , اسمر شوي وفيه غمـآزه ف خد آليمين , والي يحليه تقويمه وابتسامته , طوله متوسط وجسمه جميل ..
,
,
نرجع للروآيه .. عالغدآ :
ديم : يبه بمآ آن خلصنآ اختباراتنا , ودنآ نروح مع آعمآمي للشآليه , تعرف يعني انا ماعندي خوات وميس ونوف ولمى وريم والجازي "وتعدد باصابعها" وسآرة ..
قآطعها بندر : يرحم والديك سكتي لو م سكتناك بتقعدين لين بكره ..
ديم : محد كلمك ياخي خلني براحتي!
آبو نوآف : المهم عرفت وش بغيتي ي بنيتي , بكلم عمانك وبشوف وآن شاءلله خير ..
ديم فرحت : ولله يبه "وقامت" بروح اجهز اغرآضي ..
بندر : صدق ماشافت خير "كتم ضحكته"
نوآف: أعقل عنها ههههههههههه
وديم رقت طآيره لغرفتها .. ودقت للبنات وحده وحده ..
وخبرتهم من الفرحه وجلسوآ يرتبون اغراضهم
..
في بيت أبو عبدآلعزيز :
ابو عبدآلعزيز (سعد) : 43 ويشتغل مع ابو نواف في الشركه , طيب ويحب عيآله ..
آم عبدآلعزيز (منال) : 41 تحب الكل ومافي مثل طيبة قلبها ..
عبدآلعزيز : 23 في الجامعه تخصص ادارة اعمآل , وسيم وعريض والي يشوفه مع نوآف يحسب انهم توآم , وعيونه مرمشه وسود وشعره لين تحت اذنه جميل , جسمه ريآضي , وكالعاده متعودين عالسهر برع البيت مع الشله في المقهى ..
نجلا : عمرها 21 سنه مخطوبه وبتتزوج في الاجازه , وطيوبه واجتماعيه , تحب اختها الوحيده ميس وماترضى بضيقتها , ووقفت درآسه ,
ميس : 18 مخلصه آلثآنويه ..
متعب : 16 سنه نفس مواصفات بندر وخويه ..

..
آبو تركي (ماجد):51 اكبر عيآل آلجد نآصر , يشتغل معهم ف الشركه , وعصبي بنفس الوقت حنون ..
ام تركي (نوره):49 طيبه وأجتماعيه , وم ترضى بالغلط ..
تركي : 23 سنه يدرس بآلخارج طب , جميل لآبعد درجه , وسيم وجسمه ريآضي لونه مآيل عالبرونز , وله غمازه قويه , ودقه في ذقنه , عيونه عسليه ممزوجه بالاخضر ..
أسماء : 22 سنه متزوجه من سنه ونص تقريبآ وعندها ولد كتكوت آسمه فآرس (9 اشهر )
فهد : 21 سنه وسيم مثل تركي عنده غمازه في خده الايسر وابتسامته تجنن مع تقويمه يزيده حلا جسمه رياضي وشعرها كثير لين تحت اذنه وفيه ثقل مش طبيعي وشخصيته تحليه اكثر واكثر, موقف دراسه ويشتغل مع ابوه في الشركه ..
نوف : عمرها 20 سنه , كثير مع ديم وميس ,
جميله جدآ , شعرها لين فخذها , اسود سوآد آلليل , عيونها عسليه مرمشه , طولهآ متوسط , جسمهآ نحيف , بأختصآر جميله ,
لمى : عمرها 18 سنه مخلصه الثآنويه يعني مثل ديم وميس ..
ريم : عمرها 16 سنه حبوبه , شعرها فيكتوريآ عسلي , عيونها كبآر عسليه , شفايفها صغيره ورديه , لم تسولفين معها تدخلين جو , ومصرقعه وتحب الازعآج ..
,
.
.
آخر عآئله آلي هي عآئله آم فيصل الي هي اخت ابو تركي وعبدالعزيز ونوآف , يعني عمتهم ..
آبو فيصل(سليمان) : عمره 50 سنه يشتغل في شركه خاصه فيه ..
أم فيصل (مهآ) : عمرها 46 , تحب بناتها وتحب تميزهم عن آلكل , فيها شويه حقد على زوجآت اخوانها , بنعرف السبب فآلروآيه ..
فيصل : هذا بعيد عن آلكل مايقآرن في امه وخوآته , عمره 24 طيب ووسيم لآبعد آلحدود , ابيض وشعره بني ناعم يوصل ل آذنه , يكره آلحقد الي منغرس في خوآته لعمآنهم .. يشتغل مع آبوه في الشركه ..
ألجأزي : عمرها 22 سنه , شعرها يوصل لفخذها , بني ونآعم , عيونهآ كبآر مرمشه عسليه , جميله بس للأسف مافي آخلاق ..
سآره : عمرها 19 سنه في اولى جآمعه , شعرها لين كتفها لونه آسود , عيونها مرمشه سودآ , فيها شويه حلا , نفس اختها وآمها ..
الحقد مأثر عليهم ..

نرجع للروآيه ,
في بيت آبو عبدآلعزيز ..
ميس : يمه انا قايلتلك من قبل اني باخذ هالبلوزه معي , وانتي م قلتي شي , والحين تجين تقولين لي خذيلك غيرها ماهي حلوة !
ام عبدآلعزيز : شوفي ميس لا تزعجيني تبينها خذيها م تبينها قلعتك !
ميس : شكرا شكرا يمه , انا طالعه ارتب باقي الاغراض بكره الصبح ماشين ..
وطلعت لغرفتها , لمت كل شي تحتآجه ف شنطتها , تعبت وانسدحت عالسرير .. وغمضت عيونها تفكر ,
" يعني لين متى رآح آظل آحب نوآف وهو ولآ دآري عن هوآي , يآلله وش كثر كانت ايامي حلوه معآه , تتذكر لم كآن يقول لها انتي مثل الورده في حياتي وكان كل م يجي بيتهم يلعب برع معها ويعطيها الورده الي للحين في بالها م نست شكلها .. "
عبدآلعزيز:بووووووووووووه !
نطت ميس من مكانها : والله لاهفك بالنعال يا المطفوق تفو عليك روعتني !
عبدالعزيز يضحك : هههههههههههههه ..
ميس مسكت النعآل ورمتها عليه ,
عبدآلعزيز : أنا اوريك يا ميس "مسك النعال الي رمتها ورد عليها وجت على وجهها "
ميس عصبت : انا اوريك ياعبدالعزيز ان ماخليتك تندم ماكون ميس بنت سعد !
عبدآلعزيز شرد منها ..
.
.
في قصر ابو تركي ..
آم تركي : يا لمى تعالي اكويه لابوك وانا رايحه اشوف العشاء يلا ..
لمى : آن شاءلله يمه هاتيه ..
ريم : خلصت شنطتي وكامل اغرآضي واو متحمسه من زمان م اجمتعنآ ..
نوف : وآنا بعد مره متحمسه ودي ابوس صآحب الفكره ..
ريم : هههه خير انشاءلله ..
نوف :يله يله أخلصي !
خلصوآ الاغرآض البنآت .. ونزلوآ للصآله لقوآ آم تركي وآبو تركي وفهد في الصآله ..
ريم : حيآلله فهد شخبارك يآلذيب من زمآن عنك "وتغمز له"
فهد : تعآلي تعآلي هنآ "ويأشر على حضنه"
ريم : لا عيب انا بنت ولي مشآعر تستحي
فهد : هههه من متى وانتي تستحين مشتاق لك انا تعالي لحضني ..
"ريم دلوعة فهد من هي صغيره وهو ياخذها بالاحضان "
رآحت وجلست ف حضنه ., وتم يسولف معهآ
يحس بآلرآحه من يسولف مع حبيبه قلبه ريم ..
لمى : آلله لنا الله لنا .. "وهي تطآلع ريم وفهد بنص عين"
آبو تركي يضحك : تعالي لمومه في حضني ,
لمى تتصنع انها مستحيه : حآضر يأبوي الغالي ..
ورآحت لحضنه ..
نوف تضحك بصوت عالي : يمه خذيني لحضنك ههههههههههههه ..
ام تركي : تحسبين نفسك صغيره ..
نوف : ويقولون ليه فاقده حنان مالت .. آصلن آرقى انوم وبحضن وسادتي ابرك لي , قود نآيت ..
فهد : ولا تنسين تحضنين الستاير معك هههههههههههه ..
نوف طالعته بنص عين : عالاقل احسن من حضنك ذا الي فرحانه ريم فيه ..
ريم : ذلفي ذلفي نومي ..
نوف : رمت الوساده عليهم وشردت لغرفتها ..
,
,
,
في الصباح .. 
الكل كان متحمس والشباب كانوآ يحطون آلاغراض في السيارات .. 
البنات كل وحده فرحانه اكثر من الثانيه .. واهم شي في الموضوع "آلجازي و سارة" كانوا يتمنون ينكدون عليهم هالرحله ..
في نص الطريق .. كانت السيارات متقابله و وراء بعض .. وقفت في المحطه المقآبله ..
في السيارة الاولى : ابو نواف وام نواف والاغراض وراء والشغاللات .. 
في السيارة الثانيه : نوآف وبندر وديم .. 
في السيارة الثالثه : ابو عبدالعزيز وام عبدالعزيز ونوف ومتعب وميس .. وعبدآلعزيز في سيارته ومعاه نص الاغراض .. 
في السيارة الخامسه : ابو تركي وام تركي ولمى ونوف وريم .. وسيارة فهد معاه فيصل ولد عمهم ..
في السيارة الاخيره : ام فيصل وابو فيصل والجازي وسارة .. 

طبعآ نوآف وعبدألعزيز أعتذروآ من شلتهم انهم م بيحضرون السهره وبيعوضونهآ ف وقت ثآني .. 
.
.
.
نزلوآ الشبآب يجيبون آكل وعصيرآت من آلوآحه .. 
ورجعوآ وكملـوآ آلطـريق .. 
وصـلوآ آلشآليه وفضـوآ آلاغرآض في الشـآليه 
كآن آلشآليه كبير ووآسع وفخم .. من برع فيه مسبحين ومقآبله آلبحر ومسآحه كبيره .. كان من دآخل فيه غرف وهي عباره عن اجنحه تضم غرف .. 
كان للبنآت جنآح خآص كبير مكون من 6 غرف .. 
وآلشبآب كذلك .. 
والحريم في جنآح مع آطفالهم وآلشغالات .. 
وآلرجآل في الخيمه برع .. 

ف آلليل .. 
نزلوآ البنآت بعد مآ سلموآ جلسوآ برع عند آلبحر وولعوآ آلنآر .. وجآلسين يسولفون ..
لمى : هههههه تذكرون يوم نوف طآحت في المسبح ذيك الساعه انفرشت فالارض ضحك .. 
نوف :ليه الحين بآلذات ذكرتي لازم تنكدين علي .. 
ديم : مدري وش صآرلها فجأه لقينآها ف المسبح .. 
ريم : وفوق كل ذا الخبله م تعرف تسبح .. 
آلجازي : كآن متتي آحسن لك من آلحياه .. 
كلهم آلتفتوآ لها مصنمين .. 
آلجآزي بضحكه : آمزح ورآكم ههههه
ميس : ههه لا تعيدينهآ .. 
نوف : كآن متي آنتي صدقيني احسن لك وآحسن لنآ .. 
الجازي سكتت تفشلت .. 
وكملوآ سوآليف لين م طلعـت آلشمـس .. 
آلكل راح ينآم من غير ميس .. 
جلست عآلبحر ودفترهـآ بآيدها ونسمآت آلهوى تطير خصلآت شعرهآ آلآسود ,, 
كآنت لآبسه " بجآمه ورديه فآتحه وسيعه وهي غرقآنه فيهآ ومحطيه آلكآب حق البجآمه على رآسهآ وشكلهآ طآلع بريء طفولي " 
.. 
عـند آلشبـآب .. 
عبدآلعزيز كآن يآخذ شور .. 
متعـب : هههههه بالمشيه ذي يابندر كآنك دآخل ف ملعب صأبوني .. 
كآن بنـدر يمشي بطريقـة تضحك وآلكل كآن يضحك عليه .. 
نوآف : بآلله كيف انت طلعت اخوي ؟ 
بندر : ولله آسآل الوآلده هي تخصصها بهآلموآضيع .. 
نوآف عطآه صقعة ف رآسه : ههههههه وربي يبآلك كف يسنعك .. 
بندر : مش الحين لم نرجع البيت ههههههههه
فهد : وآنا اتخيل اشكالكم بغيت انجلط .. 
بندر : هههههههه مايمديك ..
فهد : وانا اتخيل خفت .. 
بندر : بآهفك بخليك تخاف صدق هههههه 
فهد : بقلبك بكف وبسدحك ..
متعب : يكفي يآ جمآعه وين آحنا فيه .. 
فهد : ولله آلشرهه علي اكلم بزرآن شخبآرك فيصل .. 
فيصل الي كآن منشغل بالتلفون .. 
فيصل : همممم تمام .. 
فهد ومتعب وبندر ونواف :ههههههههههه ..
مسك فيصل الوسآده وضربها عليهم .. 
نوآف : آنا بطلع برع من بيطلع معي ؟
"محد رد" 
نوآف : برآيكم .. 

.
.
طلع ومشى وهو يفكر .. لفت نظرهه وحده معطيته ظهره ومبين عليهآ صغيره .. قرب منهآ وشآفها مآسكه دفتر وتكتب فيه .. ومبين آنها مندمجه فيه .. 
قرب آكثر و وقف يتآملها من ظهرهآ .. وقرب آكثر ..
.
.
.
نآموآ العيآل وآلساعه صـآرت تقـريبآ 12 الظهر .. 
آبو تركي : يآلله ياشباب قوموآ الله يهديكم 
ابو عبدآلعزيز : آلسهر ذآ ملعوز شبآبنا الله يهديهم .. 
آبو تركي وهو يسحب البطآنيآت منهم .. 
عبدآلعزيز صحى ورآح للحمآم بتكآسل ..
ومسك ابو تركي بطآنية متعب فز من مكانه
ابو تركي اخترع : وراك متعب ؟
متعب وهو يضحك : الثوب واصل لين راسي 
ابو تركي صقع له بخفه وضحك
وراح للمحام ورآه راح بندر .. ولين م آلكل صحى شبآب وبنآت .. 
.
.
.
آلبنات الي تاخذ شور وآلي تصلي آلظهر , وآلي مع آلحريم , كآنت ديم جآلسه مع آمهآ , وكآنت تصرف لحريم آعمآمها القهوة .. 
كآنت لابسه جلآبيه مخصره جسمها لونها تركوآز وطالع روعه على جسمها والكل يمدح فيها من غير ام فيصل تنآظرها نظرآت كره .. 
وميس بعد مأ خلصت صلاه الظهر مسكت قلبهآ من آلموقف الي صآر لها امس مع نوآف 
.
.
كآنت جآلسه عآلبحر مآسكه دفتر آسرآرها , آّذا احد شآفه بتروح فيها كآنت تكتب مشآعرهآ تجاه نوآف وكآنت تتخيله وتتكتب كل شي , فآجأءها صوت يغني , هالصوت تعرفه زين , التفتت وراها لقته قريب منهآ , آنصدم بس ظل يردد كلمآت الاغنيه , هو على بآله بنت صغير من البنآت وقآل بيطقطق عليهآ شوي وآلحمدالله انها طلعت ميس ولا احد غيرها .. "لان هو كان كثير معها في طفولتها ومتعود عليها " 
جلس جمبها , 
نوآف : ليش بروحهآ وردتي ؟ 
فز قلب ميس : بس كذآ .. 
نوأف : لا مآيصير الورده تقعد لحآلها .. 
ميس وقلبها ينبض بآقوى ماعنده : كلهم ناموآ
نوآف "آحب برآئتها ياناس" : وليه انتي ماتنومين؟
ميس : مافيني نوم , يلآ آنا رايحه .. 
نوآف بدون م يحس مسك يدها رجعهآ بمكآنها ..
ميس فز قلبها وسحبت يدها : فيني نوم آنا رايحه انوم تمسي ع خير .. 
ورآحت وهو عيونه عليها لين مآ آختفت عن المكآن ..
.
.
قآمت من سجآدتهآ ولفتهآ وآبتسمت , ولبست جلآبيه مخصره لونهآ سكري وخذت آلطرحه ونزلت .. 
وكآنوآ كل البنات متجمعآت وضحك وسوآليف ..
آم تركي : عندي لكم مفآجاءة .. 
آلبنات وبآن عليهم الانتبآه !
آم تركي : هههه شفيكم , ترى تركي جآي من آلسفر , وهو ربع سآعه وهو وآصل للريآض .. 
البنات صآرخوآ .. ولمى وريم ونوف يصآرخون ويحضنون كل حد ..
كآنت آلساعه 5 ونص العصر وآلكل ينتظر آلساعه تكون 6 عشآن يفرحون برجعة تركي !











توقيع : عبدالرحمن





الثلاثاء يوليو 16, 2013 2:18 am
المشاركة رقم:
المعلومات
الكاتب:
اللقب:
الرتبه:
الصورة الرمزية


البيانات
عدد المساهمات : 312
السٌّمعَة : 0
تاريخ التسجيل : 23/02/2013
الإتصالات
الحالة:
وسائل الإتصال:
معاينة صفحة البيانات الشخصي للعضو


مُساهمةموضوع: _da3m_14



روآيہ و عن هوى غيرك ترى وآضح عمآي ♥...........جديد 2014


بسم الله الرحمن الرحيم
السلام عليكم ورحمة الله وبركاته
ألف شكر لكَ على هذا الموضوع المميز و المعلومات القيمة
إنـجاز أكثر رائــــــع
لكن أرجو منكَ عدم التوقف عند هذا الحد
مـنتظرين ابداعتــــــك
دمتـ ودام تألقـك
تحياتــي





توقيع : فهد







الإشارات المرجعية
التعليق على الموضوع بواسطة الفيس بوك
الــرد الســـريـع
..


الذين يشاهدون محتوى الموضوع الآن : 20 ( الأعضاء 3 والزوار 17)



تعليمات المشاركة
صلاحيات هذا المنتدى:
لاتستطيع الرد على المواضيع في هذا المنتدى

BB code is متاحة
كود [IMG] متاحة
كود HTML معطلة


يحتوي على مشاركات جديدة  منتدى يحتوي على مشاركات جديدة
لا يحتوي على مشاركات جديدة  منتدى لا يحتوي على مشاركات جديدة
منتدى مغلق  منتدى مغلق عن المشاركات